【我不怕唱歌】港版「蕭邦」係乜水？ 江若琳勁迷戀：唱得比我好
江若琳：揀呢首我就知佢係邊個啦，哈哈！
側田：喺香港開餐廳而有分店真係唔易，好叻仔！
石詠莉：把聲好似ChiLam，我認得佢嗰喉核！佢個女朋友好大隻眼嫁嘛！
結他：Abby
敲擊：Joey
攝影：史順宜、黃國立
剪接：許柏倫
一星期一次嘅《我不怕唱歌》又嚟啦！今集難度再一次提升，睇下你又估唔估到佢係邊個！今集嘅呢位嘉賓身高超過6呎，身型高大嘅佢model出身，以男子組合身分進軍樂壇，眼見佢四肢發達，但頭腦都非常靈活，除了識得填詞，餐飲生意仲要利害到全行皆知。佢經營生意嘅奮鬥史多到一本書都講唔完，佢有一句勵志說話成日掛喺嘴邊「世界上根本沒有起跑線」，亦都是呢句說話令佢由谷底搵到人生意義，最近仲事業愛情兩得意，有一位令人葡萄嘅「女神級」女朋友，聽完佢把聲，你又估唔估到佢係邊個呢？
人稱「生煎王」嘅Oscar（蕭潤邦），是前創作組合Bliss成員，2007年簽約到Silly Thing旗下成為歌手，但到了2010年與唱片公司合約期滿後，有感不適合做音樂，所以毅然離開樂壇，隻身到上海。誰不知此行改變了他的人生，他在上海找到了自己的「另一半」，一個自己真正的歸屬，竟然就是上海生煎包。做了７年飲食業的Oscar，雖然放低支咪已經一段時間，但在今次《我不怕唱歌》唱歌時，依然台型十足，仲挑選了他女朋友江若琳的歌曲《小燈塔》去挑戰。「其實呢首歌啲歌詞對我好有共鳴，令我諗起好多自己過去嘅經歷。呢首歌其實想同大家講，你嘅夢想其實都一直喺你身邊，只不過你有無心去搵你嘅夢。我做咗飲食業7年，中間都有好辛酸所以聽到呢首歌特別有感受。我相信每個人心目中都有佢自己嘅燈塔，燈塔可以係一位佰樂，一個朋友，一個身邊人。而我嘅燈塔唔係一個人類，而係生煎包。生煎包教識我咩叫人情世故，咩叫人情味。以前做歌手嘅時候真係唔識，因為身邊所有嘢都好華麗。」
談到今次演繹女朋友（江若琳）原唱的《小燈塔》，Oscar表示Elanne（江若琳）事前並不知道，也沒有因為是Elanne原唱而特意練歌，其實今次也是他第一次演繹，原因是《小燈塔》對於他們的意義非凡：「我哋成日喺架車到聽歌，我哋最開心同最多分享嘅時間都係喺我揸車嘅時間。佢好鍾意係我架車到播佢鍾意嘅歌，又會問我嘅意見，我哋又會分享過去10年大家發生過嘅事，因為我當年離開娛樂圈去做生煎包後，我就再無睇娛樂新聞，我就連我自己朋友嘅新聞都無睇到，而佢雖然當年同我同年新人，但我哋一直都無聯絡，佢連我呢幾年去整生煎包都唔知。所以我哋依家走埋一齊，我哋都想去追番大家嘅過去，兩個人一齊最緊要互相支持，呢首歌（小燈塔）除咗歌詞上畀咗支持佢，亦都支持咗我同佢嘅感情。雖然佢過去發生好多事我都無喺佢身邊，但佢未來發生任何事我都會一直喺佢身邊照顧佢。」
數數手指過去７年Oscar已經開了8間食肆，最近更在銅鑼灣開設新店「堅信號正宗上海生煎皇」。他縱橫飲食業多年，由低做起，送外賣、斟茶遞水、廚房洗碗通通做過，而且曾經更發生過各種「奇事」，如送外賣到「一樓一」的經歷，試過因為廚房隔油池故障，誤把隔油池內如屎味的水噴到食客身上、也試過因為食環署定期在街道上清蟲，以致過百隻曱甴湧入食店，他要雙手用報紙如日本武士「二刀流」般拍打曱甴等等。
如想知更多記得留意下一集Oscar的專訪！
【專訪】「生煎皇」Oscar7年擁8間店養過百人：好彩以前畀人呃！
傳送門：/article/113310
果然係model出身，影相時差啲「chok」親條頸！