【一首歌】陳慧琳《花花宇宙》K房必唱 「發揮你小宇宙」
撰文：黃浩晉
出版：更新：
「細世界 會變花花世界/Oeo Oe Oe Oe O」
譁！一睇上面嗰句歌詞，咩都唔使講，跟住唱埋落去先啦！你冇理由唔識嘅，陳慧琳嘅《花花宇宙》喎！
《花花宇宙》一曲於2000年推出，相信唔少8、90後一定識、一定聽過，而且仲會系一大班人唱K必歌頭10位o添！
「更多更多渴求 會有更高報酬/更高更高享受 為甚麼不追求」「每天有新星球 發揮你小宇宙/趁火勢加風頭 有勇氣請追求」
唱到副歌就緊繫世界入唱位啦！而且首歌咁多「Oeo Oe Oe Oe O」位，就算覺得自己唱歌唔好聽，喺K房唔敢開聲嘅朋友都可以喺呢啲位合唱，咁就唔使成晚坐喺K房食雞翼啦！不過話說回來，Kelly依家專心做潮媽，照顧「蝦餃仔」同「小籠包」，唔知幾時先可以喺香港聽到Kelly演唱會呢？雖然Kelly早幾日喺facebook貼相話錄新歌，不過就未知首歌叫咩名，淨系知佢話好高難度。其實真系等咗好耐，好期待Kelly新歌同開Live！
唔講咁多，依家即刻約班friend去K房唱《花花宇宙》先！