劉德華重現跣台驚險動作 　著觀眾大叫「劉德華我愛你」3次

劉德華一連廿場的跨年個唱《今天…is the Day劉德華巡迴演唱會2024 》:正式開鑼，華仔一出場便站在半空舞台跟大家打招呼，並大叫「好耐無見，我返嚟啦！」他表示今次放棄一半場地，希望可以與觀眾走近，為搞氣氛，華仔將現場一分為二，著觀眾大叫「劉德華」及「我愛你」，但唔知係咪太多內地觀眾聽唔明廣東話，所以效果一般，同大家練習幾次後，最後全場一齊大叫3次「我愛你」，氣氛超高漲，華仔便唱出《謝謝你的愛》。

個唱第二部分，劉德華換上白色唐裝，舞台出現兩隻神獸，唱《中國人》時，有一條銀色巨龍「飛舞」，現場不時聽到國語「我愛你」。華仔表示知道大家很關心舞台機關，他大派定心丸稱絕對安全。

個唱第三部分以上海灘做背景，華仔以許文強黑西裝上陣，與女dancer上演歌舞劇，華仔曾在其他場次因跣得太近台邊而十分驚險，但今日所見，他保留了足夠距離跣去台邊。