【一首歌】蔣雅文《記得第一次嗎》　難忘「學習互吻傻得可怕」

再嚟8、90後回憶！Don & Mandy呢個組合一出相信大家都會「哦！」一聲。李逸朗與蔣雅文各自單飛後，阿Don於15年因崩潰哭腔版《傻女》再次受大眾關注。；而Mandy則成為文青女神，又飛到台灣做服裝店老闆，又出書，又於15年做人妻。

蔣雅文除咗同李逸朗組成Don & Mandy外，亦與Yumiko鄭希怡及劉思惠組成過3T。但其實Mandy自己獨立時都有充滿少女味道嘅歌㗎，《記得第一次嗎》中歌詞寫滿了少女難忘初戀嘅情懷。

「在這天　你也記得第一次嗎/學習互吻傻得可怕/青春放在迴旋木馬/才沒有幸福婚紗」除咗「學習互吻」，歌詞亦寫到「地鐵中爭吵」、「靜夜為我撥奏結他」、「小水晶裂痕」等等事物彷彿每人初戀時都有經歷過，今日再回望只可以慨嘆：「初戀呀！我要初戀呀！」