AK與高瀨統也合唱《白愛》　頭號Hellosss房屋署署長羅淑佩撐場

AK（江爗生）一連兩場嘅《ANSON KONG “THE GAME OF LIFE” IN MY SIGHT SOLO CONCERT 2024》昨晚（29日）開鑼。Tiger@MIRROR、天衡、COLLAR成員Gao、芯駖、譚玉瑛都有捧場，而頭號Helosss 房屋局常任秘書長兼房屋署署長羅淑佩亦係坐上客，問到佢係咪睇曬兩場時，佢就笑笑否認「緊係唔係啦」。

穿上十分科幻上衣、黑超嘅AK一出場即大叫「全部同我企起身」，全場生粉即時彈起，唱完《Keep Rollin’》時，AK脫下科幻上衣及墨鏡，接著邊唱《Game of Life》邊到小舞台。AK換上黑色西裝唱《偽映畫預告》後與大家正式打招呼，解釋點解會唱以下一首歌，因為係早年在韓國訓練時與友人嘅回憶，雖然最後未能成團出道，但帶俾自己嘅經歷係一世回憶，接下來AK情深演唱TaeYang嘅《Eyes,Nose,Lips》。而首位嘉賓是日本歌手高瀨統也，他除讚AK世一外，又預告自己將在香港開演唱會。