鄭秀文攬實《填詞魂》謝雅兒給力 ：你緊張到成個人震晒

天后鄭秀文（Sammi）為鼓勵新晉歌手，身體力行，分享自己紅館「You & Mi 鄭秀文世界巡迴演唱會2023」（Rescheduled ）舞台，讓更多人認識他們。

日前在第五場（17日）演唱會，Sammi邀請「第42屆香港電影金像獎」「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。當晚視后佘詩曼、陳健安與唱片監製賴映彤、電影《填詞L》導演兼《填詞魂》作詞人黃綺琳、何嘉莉Lillian、陳嘉寶Anjaylia、蔡皓然Scott、洪瑞珙、DJ主持森美、吳嘉熙Cheronna與賴慰玲和KOL薑檸樂等捧場。

Sammi身穿Monica Ivena 香檳色水晶高級訂製晚裝亮相介紹謝雅兒出場，雅兒說：「阿媽，我得咗啦！」全場歡呼。Sammi攬住她說：「嘩，你緊張到成個人震晒，起晒雞！唔使驚，大家都會支持你，每個人都有做過新人嘅階段，每個人都需賈被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。

之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。