【一首歌】陳芳語《愛你》甜蜜洗腦　「就這樣愛你愛你愛你」

大家一見到《愛你》唔使咁驚！今次並非介紹「宇宙巨G.E.M.」嘅「兒姨夜衣野～以夜儀野～」（原曲：《A.I.N.Y. 愛你》），而係甜絲絲的Kimberley陳芳語名曲《愛你》。看看資料先發現，原來Kimberley呢首《愛你》己經推出5年，當時雖然係好洗腦，聽到個腦係咁播「就這樣愛你～愛你～愛你～隨時都要一起」，但又不會覺得好反感。

事關隻歌畀到人一種甜絲絲嘅感覺，無論係男或女聽到都會有感覺。可以係女仔向男仔表達愛意，亦表達到對美好關係的一種憧憬；如果係男仔聽到，淨係幻想一下有個女仔咁鍾意自己，經常掛住自己，都已經好冧。雖然可能係有啲癡身，不過換個角度睇都係一種幸福嚟㗎，好過一個人想吐苦水都冇人聽吖！

Kimberley今年23歲，當時推出《愛你》都只係得18歲，實力強勁當然有原因！Kimberley14歲就簽約韓國JYP、並到美國受訓，15歲時已經到《超級星光大道》踢館，的確大有來頭。大家可以聽埋佢唱live就會明白。

唔覺唔覺又口水多過浪花，好啦，唔阻大家聽歌！