葉麗儀開演唱會被問會否請甄妮當嘉賓：我好自私想獨唱
撰文：吳子生
出版：更新：
現年76歲葉麗儀（Frances)適逢今年踏入樂壇55周年紀念，將於8月3、4日於伊館舉行兩場演唱會，唱片公司為隆重其事今日（27/5）於灣仔舉行《葉麗儀感恩55周年香港演唱會2024》發佈會。
Frances 透露今次演唱會主題為「感恩」，將會由出道至今的不同歷程，透過歌曲演繹出來，為了證明她不會退休，最近更錄了新歌《感恩》答謝歌迷：「對上一次開演唱會都已經係十年前，而今次呢個騷，我係冇請嘉賓。（會唔會請甄妮上台唱吓歌？）哈哈，其實我個人好自私，我想一個人獨唱，加上我又好多歌要唱。不過本身我同佢都唔係好熟，因為以前冇同過公司，舊時電視台安排工作時先會見吓面唱歌。（同Anthony經常合作有沒有拗撬？）今次呢個演唱會Anthony（倫永亮）就做音樂總監，我同佢合作無間，而且佢份人好就得人，又好了解我嘅心水，大家從來都冇拗撬。」