G.E.M.自爆多次諗過自殺　難抵網絡欺凌：都幾嚴重！

撰文：黃浩晉
出版：更新：

有「宇宙巨G.E.M.」之稱的歌手鄧紫棋將於今年9月開紅館騷，早前公佈最貴的VIP票價高達$1980，非常「國際化」，令部份網民反感。

話雖如此，宣傳還是要繼續的。日前G.E.M.與YouTuber笑波子拍片玩測謊機，本以為兩人互問感情事，吹吹水又一集，豈料G.E.M.自爆多次因網絡斯凌想自殺。

G.E.M.與YouTuber笑波子拍片玩測謊機被電到彈起。(影片截圖)

節目開首笑波子問一些「基本」問題，到底G.E.M.喜歡男或女？誰知道G.E.M.答「鍾意男仔」竟被測謊機電到，氣得她說要把這測謊機退回。

之後整個節目無啦啦變了「感情台」和「吹水台」，G.E.M.與笑波子互問「依家想唔想拍拖？」、有冇試過一腳踏兩船，或者想一腳踏兩場船」等問題。笑波子又問G.E.M.：「想食屎味朱古力定係朱古力味嘅屎？」G.E.M.答「屎味朱古力」卻被電到成個人彈起。兩人嘻笑一輪後，笑波子突然問G.E.M.「有冇試過唔開心到想自殺？」，G.E.M.突然認真自白：「有呀，好多次添呀，網絡欺凌都幾嚴重!」，又講到：「我冇真係去做，但係我真係覺得大家要點樣先去相信一個人，係咪要我寫晒遺書，講俾大家你哋先會信我呢？」

突然自爆談自殺話題，整個節目氣氛變得嚴肅，可能笑波子見勢色不對，立刻搞gag打圓場。不過笑波子亦叮囑網民，在網上留言可能覺得不用負責任，但其實會對當事造成傷害，所以要注意自己言行。

G.E.M.提到網絡欺凌令自己諗過自殺。(影片截圖)
+3

求助網站和熱線

香港撒瑪利亞防止自殺會熱線 : 23892222

醫院管理局精神健康專線 : 24667350

東華三院芷若園熱線︰18281

撒瑪利亞會熱線︰28960000

​學友社學生熱線：25033399

社會福利署熱線︰23432255

生命熱線 : 23820000

【我想和你唱】與馬達加斯加版G.E.M.合唱　鄧紫棋：最好聽版本！G.E.M.九月返香港開騷　歌迷簡體回應：只希望你講廣東話！
鄧紫棋G.E.M.