【中國有嘻哈】譚淇淇出局因堅持rap粵語：加普通話唔夠real！
「中國有嘻哈」首集已經有戴上面具以神秘人身份參賽的Mc Jin（歐陽靖）及譚淇淇（KiKi Tam）等「本地薑」參賽，可惜譚淇淇第一集已經出局，而在美國以首張專輯《The Rest Is History》登上Billboard「200大專輯排行榜」的MC Jin順利晉級。至於譚淇淇出局原因竟然是因為「廣東話」！？
雖說Hip-Hop音樂在華人地區的發展還沒像外國那麼成熟，在香港這個彃丸之地要看到一個爆紅的rapper更是少之有少，近年有不少大家就算認識的rapper，都不能以rapper身份「搵食」，要靠其他副業維持生計，例：MC Jin，譚淇淇，Masta Mic等。不過當香港的Hip-Hop音樂市場還是停滯不前時，內地開始對Hip-Hop音樂有所關注，最近就有一個全新的選秀節目名為「中國有嘻哈」，雖然有人說節目內容跟韓國的大型饒舌比賽節目「Show Me The Money」非常相似，但起碼在內地算是開創先河，給華人rapper一個証明自己的機會，而且也吸引了我們認識的香港rapper參賽。「中國有嘻哈」選秀模式不多提，詳情看傳送門連結。
【中國有嘻哈】MC Jin化身Hip-Hop Man 搞咁多只為捧吳亦凡？ 傳送門：http://bit.ly/2t7GLJb
譚淇淇：我覺得香港Rapper應該要用廣東話
譚淇淇接受《香港01》訪問時透露：「今次參加《中國有嘻哈》其實係節目組導演主動聯絡我參賽，參賽嘅時候雖然節目組有問參賽者想揀邊一位明星製作人（導師），但明星製作人方面最後都係由節目組隨機幫參賽者揀。而我自己嘅idol一直都係潘瑋珀，我係勁鍾意潘瑋珀。」
提到今次未能晉級，Kiki一直堅持香港rapper一定要用廣東話去rap：「其實我當初入海選嘅時候應導演組要求寫咗段普通話加廣東話嘅rap詞，但我覺得唔夠real（真實），所以我臨場比賽嗰陣無rap哩段嘢，而係rap咗自己寫嘅廣東詞。其實我有問佢哋可唔可以rap廣東話，因為我覺得我身為香港人應該要廣東話去rap，而唔係去遷就你而去rap普通話。結果我最後用廣東話，我覺得香港Rapper應該要用廣東話，而潘瑋珀聽完後皺眉頭之後問我有無中文，之後我就臨場rap多段國語freestyle，之後佢再問我有冇多段，我就rap咗英文，跟住佢就話始終唔係佢想要嘅嘢。我覺得自己見到潘帥始終怕醜，唔多唔少影響自己嘅表現，但我盡咗力。」
問到今次中國有嘻哈除了藝人有沒有素人入圍時，26歲的淇淇就表示：「有呀，我都有認識到新朋友，素人一樣有俾明星製作人揀，好似Show Me The Money咁，畀條金鏈佢（參賽者）咁就為之入圍。」
（有網友表示「中國有嘻哈」抄襲韓國節目「Show Me The Money」就你點睇？）「明星製作人畀條金鏈入圍者哩個部份的確係幾似韓國Show Me The Money。」譚淇淇說。
其實當年《我是歌手》是湖南衛視從韓國引進同名的大型歌唱真人騷節目，但到了《我是歌手》第五季，由於「限韓令」而更改節目名稱和賽制，以全新節目《歌手》名義播出。未知今次「中國有嘻哈」是否購入「Show Me The Money」版權而又因「限韓令」所以未有表明版權問題。
「我唔係香港第一個女rapper」
談到中國嘻哈市場時，Kiki表示中國地方大市場大人材多：「參加今次節目見到其他參加者真係好勁，好忠於自我，有好多唔同style，跟得上外國實力，令我覺得自己真係好渺小，而且佢咃真係好團結。相反香港Hip-Ho市場真係一潭死水，香港Hip-Hop界唔夠團結，大家只係想自己上位，無諗過令哩個市場進步，只係識得Diss（輕視）人。我覺得Hip-Hop同rap係可以好chill唔一定要Diss人，仇視人。我真係未試過靠Hip-Hop賺咩錢，出show一係免費，一係就幫朋友，有啲就係只戚幫某品牌但出價又唔高，係佢哋心目中Hip-Hop係無咁值錢。至於咁多年嚟點解我會拍咁多片及其他嘅工作係因為自己鍾意，同埋賺夠一筆錢我可以做自己喜歡嘅音樂，而唔駛再叫朋友去拍膊頭幫我，因為以前好多時候都係由音樂人Dough-Boy去幫我做。我嚟緊準備做音樂寫咗好多詞，而且仲學埋作曲，希望可以再以rapper身份出現。同埋我想同大家講，我唔係香港第一個女rapper，好多人以為我叫自己做香港第一個女rapper，其實我無咁講過，亦都唔係，只係當時有傳媒咁寫，希望大家唔好誤會，每次有人咁叫我我都好尷尬。」
譚淇淇雖然是rapper，也是KOL，她不時也上載很多生活照到社交平台。