衰！老師教DSE口試前食辣椒大蒜　向鄰座考生噴口水　網民：黐線

賤招攻擊別人，等於對自己有利？近日有DSE考生在討論區發文分享，表示老師分享口試奇招，教學生在口試前「食多啲大蒜同辣椒之類嘅食物」，還要故意靠近相鄰考生，以降低考官對他們的印象分。樓主對老師的言論感到疑惑，質疑「究竟係咪真係有用？」，又解釋因為面子問題無法接納老師的提議。有網民直斥「你老師黐X咗邊條線？」，不過有人認為老師只是說笑，反稱「得你認真咗？」，更認為在試場騷擾其他考生，只會破壞考官對自己的印象。

樓主在Dcard的DSE考生專區以「Speaking 口臭攻擊」為題發帖，表示老師建議同學考口試前多吃辣椒大蒜等食物，在口試期間將頭部「黐埋啲去隔離嗰考生度」大聲講話，令口氣和口水能直噴對方臉部。老師指這個方法可導致其他考生怯場，面露難色，「冇埋eye contact」，降低考官對該考生的印象分。樓主稱不確定老師提出的方法是否有效，但表明自己放不低面子騷擾別人，反問：「定係我面皮太薄？」

有網民表示不斷吃刺激性食物「只會令到你喉嚨痛講唔到嘢」，繼而影響考試表現，惟樓主回覆指老師只是提議考試前吃數塊蒜片，認為依照老師的建議不會引致喉嚨痛。隨後有人直斥該老師「有受過大學教育嗎？說什麼鬼話。成績好的人不用搞這些亂七八糟的東西」。樓主則回覆指：「佢話佢當年都係用呢個方法，個口臭到其他人怕咗佢。」
有網民不認同該老師的「攻略」，直斥「你老師黐X咗邊條線？」、「你個老師真係X街嚟」，又勸喻樓主以正常態度面對考試，直指「特登搞咁多嘢係會令隔離兩個嚇親」，也會為難考官，反問「全部人用異樣眼光望住你一個，你分會高？」。有人則指口試時重視眼神接觸，要面露笑容，保持禮貌待人，強調「佢係賤人唔代表你都要做賤人」。另外，有網民則打趣道表示「諗起攻擊型收音機」。

（Dcard）