召的士去日出康城　乘客要求85折但標明…　司機搲頭：接定唔接？

不少人使用預約的士服務時，講明特定條件，司機「願者上釣」。近日有一名的士司機分享指，有人由尖沙咀去日出康城，要求85折收費，同時講明會提供25元作為貼士，令到司機百思不得其解，不知應否接單。網民笑言「你唔接實有人接」、「考你數學」、「通常有小費都係正價」。

樓主在facebook群組「的士乘客及司機行為分享區」上載預約的士App截圖，顯示有人想由尖沙咀中心前往日出康城，要求85折收費、要有單據，以及電子支付，同時會提供25元貼士。

樓主不明白為何客人同時要求85折，卻會支付25元小費，形容「呢張單正！接定唔接？」，網民笑言「你唔接實有人接」、「考你數學」、「通常有小費都係正價」，亦有人留意到截圖比較模糊，質疑如何拍攝，樓主解釋駕駛時見到客戶要求而拍攝，所以比較晃動。

（facebook群組「的士乘客及司機行為分享區」）