車長被影相舉中指　巴士迷怒批冇禮貌　網民曲線嘲笑︰似畀心心

不少巴士迷都會拍攝巴士，甚至連同車長一起拍攝，務求反映最真實一面。有巴士迷早前在網上大呻拍攝路線102的過海巴士時，有車長知道自己被拍，反而舉起中指，質問「有禮貌嗎？」，但網民卻曲線笑言車長好似「畀心心（好似係）」、「畀心心都唔要，可悲，曲直自己分」、「大叔的愛」。

樓主在facebook群組「是日快快-巴士即日相」上載2張圖片，相信為翻拍相機畫面的照片，而相中顯示他正在拍攝路線102的過海巴士，但下一張照片正是車長對住鏡頭舉中指，並且疑似「伸脷」，樓主不禁在帖文質問「你有禮貌嗎？」。

多名網民紛紛討論照片，曲線笑言車長好似「畀心心（好似係）」、「畀心心都唔要，可悲，曲直自己分」、「人哋畀心心咁可愛」、「大叔的愛」，更有網民表示「人哋唔想被你影，反抗下，你哋就要打爛人哋飯碗」。

根據《公共巴士服務規例》，任何巴士司機必須表現有禮和有紀律，一旦違反，最高可被判罰款2,000元。

（facebook群組「是日快快-巴士即日相」）