移民不孝？父患末期癌症　移民港女猶豫是否回港　原因惹網民爭議

移民是否代表要斷六親？連登有已移民的女網民發文表示，其在香港的父親近日表示患上末期癌症，想她回港陪伴在側，然而她自覺即使回港也幫不了什麼，而且回港就要拋下另一半及工作，因此陷入兩難，遂求問其他網民意見，她提出兩極答案讓網民選擇：「正皮：拒絕情緒勒索……負皮：做人唔好咁冷血」。
帖文引來網民熱議，不少人認為樓主應回香港陪伴父親，「去啦 可能真係唔知幾時最後」、「親情無價」、「返去再望下老人家，錯過咗就補償唔返」。也有網民認為是父親「苦肉計」，不用理會。另有網民建議樓主遵循自心，毋須勉強。

該女網民於連登討論區以「如果老竇末期癌症，你又移民咗，會唔會特登返去陪佢」為題發文講述事件。她表示自幼家境貧窮，「讀書結婚買樓所有嘢都係靠自己」，而由於父親政見不同，因此她決定移民海外，「老竇係令到我揀移民嘅其中1個原因，一直都覺得點解香港又有份人工高工作要走去移民」。

直至近日，父親告訴樓主他患上末期癌症，想樓主回港陪伴身邊，令樓主不知如何抉擇陷入兩難，「我都唔係醫護，起居飲食我係一樣都唔會幫到手，只係識onXX咁企喺隔離……呢個時候返香港就要拋低另一半同工作，如果等到佢壽終都唔知等到幾時，個人好struggle（掙扎），到底可以點揀好」。

苦思不果的樓主，唯有求問其他網民意見，「正皮：拒絕情緒勒索，佢咁大個人又有母親醫生護士，你返去都冇X用；負皮：老竇冇細過拋你出門口餓死都算叫有養育之恩，做人唔好咁冷血，拋低另一半同工作飛返去睇佢壽終啦」。

帖文引來網民熱議，不少人認為樓主應回香港陪伴父親，以免將來後悔，「你好XX街」、「去啦，可能真係唔知幾時最後」、「我想見都冇得見，過來人字」、「親情無價」、「返去探一探佢睇下咩情況，好過到時人走咗先嚟後悔冇見過最後一面」、「返去再望下老人家，錯過咗就補償唔返」、「無左份工可以搵過，無陪老竇你會後悔一世」。

也有網民認為毋須理會，「你有自己嘅生活，又有你嘅伴侶，使乜理佢，生老病死係宇宙定律嚟」、「佢話有末期癌症你都信？講緊大話啦明顯」、「你開得呢個post問，你自己都有答案」、「我自己會覺得無感情係唔使勉強，決定上就睇你介唔介意揹不孝子呢個名」。