環保網民分享過期米：未變色應該ok！網民睇相爆笑：排穀牛，走米

環保減廢值得推崇，但也要懂得拿捏分寸，尤其涉及食物安全方面。有網民早前發文貼出相片，打算免費送出已過期的珍珠米，明言目測白米仍未變色，相信可以食用，但提醒有意接收者安全自負。由於相中白米內可見多隻穀牛，帖文引起網民關注，有人向樓主提出處理穀牛的實用方法，亦有人爆笑留言，稱比起過期米，更希望接收穀牛。

該網民於食物分享群組發文，表示擁有1袋已經過期的珍珠米，「因為之前食唔晒好舊，費事浪費」，希望轉贈予有興趣的人。他指白米目測「都仲未變色，應該ok」，相信仍能食用，但提醒有意接收的人「食安自負」。相中可見，樓主打算轉贈的白米內有多隻穀牛正在爬行，他明言「我唔識搞，所以free出嚟算」。

網民看過帖文各有看法，有人認為白米狀態不適合食用，質疑樓主只想找人幫忙處理過期食物，「將心比己，自己都唔敢食，拎出來free？真係多謝晒」、「有穀牛好心掉咗佢啦仲要話畀人」。不過樓主其後留言反駁，「而家已經證明咗其實仲可以食，而家幾多方法可以重用返呢啲米，所以都未係算浪費」，又強調「已提醒食安自負，責任不在我」。

亦有人提出多個清除米內穀牛的方法，「這是自然現象，用水泡一下然後小蟲就倒走了，跟米沒有問題，對人的身體更沒有什麼影響」、「搵紙巾包住蒜頭同花椒放入米桶或米袋就得」、「用塊濕毛巾全覆蓋，不要漏氣，1小時後穀牛因缺空氣會全部爬上毛巾，便可一併清除」。

有網民則爆笑留言，「米免費，但穀牛係咪都係送埋？」、「淨係要穀牛得唔得？」、「我唔要米，要穀牛，一公一乸唔該」。另有網民發現樓主的相片似曾相識，搜尋後懷疑是「偷圖」發文，質疑樓主只為引起話題，並非有心分享食物，「此post偷人圖製作話題啦」、「唔怪得頭先一睇張相好似熟口熟面咁啦」。

即刻睇點防蛀米大蟲：

根據食環署資料，穀牛原名米象，是儲藏穀物的主要害蟲之一，通常蛀食大米、豆類、葵花子和玉米等，偶爾也在存放過久的通心粉和意大利粉等麵食中出現。穀牛對人畜、家具和衣物無害，不會叮咬和螫傷人，亦不會傳播疾病，惟會破壞糧食使其價值大幅降低。