公屋｜驚見有單位鐵閘被鐵鏈鎖上：咩事被封鎖？　原因惹網民熱議

公屋鐵閘被鐵鏈鎖起，原因很多！日前有網民留意到有公屋單位鐵閘被人以鐵鏈鎖上，好奇拍下照片發帖。帖文引起網民熱議，有人懷疑該單位被收樓，亦有人猜測是翻新工程，但亦有人覺得只是住戶自行鎖上，一時間眾說紛紜。

樓主日前在公屋討論區發帖，並上載照片，照片是從某公屋單位外拍攝所得，顯示1間新型公屋白色閘門上有鐵鏈鎖上，而匙孔被人以白色膠帶封上。樓主懷疑單位被封鎖，十分好奇當中原因，於是發文問「發生咩事被封鎖」。

有網民好奇猜測「係咪俾人收返間屋」、「無交租俾人趕？」，更有人表示「遺體發現都會」。但有網民看完照片後，認為該公屋單位並非被人封鎖，而是正進行翻新工程，「如封屋，門口會貼通告」、「翻新工程，鎖匙通常都不會俾翻新員工。我對面都係一樣」、「係房署外判工人，我對面的剛翻新亦是咁」、「上手搬走咗，等檢查好派畀下家多數會咁樣鎖」。

不過有網民就指出如果是翻新工程，房署一般會貼出告示，並猜測可能只是閘門壞了，由住戶自己鎖上，「不要太多想像，只是閘把鎖壞了，未更換前用鐵鏈鎖上」、「好明顯換緊閘鎖，貼住膠紙！鐵鏈鎖又向入，屋內有人！」、「有鏈唔一定係俾人鎖，我嗰層有個單位都係自己鎖嘅」、「自己鎖多，無通告個鎖窿又封得咁靚，正路唔會係房署工人手筆」。

（公屋討論區）