乾瑤柱驚現白色粉層　港女急問是否發霉要丟？　網民解謎︰我要！

乾瑤柱鮮甜彈牙，一向深受華人喜愛而大手入貨。有港女日前在網上詢問，指見到乾瑤柱有一層白色粉層，疑惑是否發霉，是否該丟棄。帖文引來多名網民留言解謎，紛紛笑指「唔好要了，我幫手處理」、「白色的係鹽份，可以不理或輕輕抹走再曬乾」，亦有過來人表示「試過有一次老公見到雪櫃啲乾瑤柱變成咁！ 掉晒落垃圾桶，激死我」。

樓主在facebook群組「大埔 TAI PO」上載1張照片，顯示多顆乾瑤柱有一層白色粉層，樓主詢問「咁樣係未發咗霉，唔要得？」

多名網民隨即留言笑指「唔好要了，我幫手處理」、「可以畀我」、「唔要得啦，畀晒我啦」。有好心網民則解釋，「白色的係鹽份，可以不理或輕輕抹走再曬乾」、「放得耐，出鹽，放心食用」、「嗰啲係鹽份，發霉係綠綠灰灰」，有過來人慨嘆「試過有一次老公見到雪櫃啲乾瑤柱變成咁！ 掉曬落垃圾桶，激死我」、「我老婆一樣做法…激死我」。

根據資料，乾瑤柱內隔一段時間會有白色鹽霜，相反如果發霉，會出現綠色霉菌。

（facebook群組「大埔 TAI PO」）