臭！荃灣燒臘店燒鴨傳異味　食客報食環質疑有問題照賣　店員咁講

經營飲食業色香味當然重要，但衛生及安全才是首要條件。有荃灣街坊日前於區內一燒臘店購買外賣燒鴨，回家進食時發現燒鴨竟帶有大陣臭味，認為燒鴨已經變質。他事後致電店舖反映，沒料店員竟毫不驚訝回覆，令他質疑對方明知食物有問題仍照樣出售，「食完出事咁點，痴X線！」，因而決定向食物環境衛生署投訴。

「大家買燒鴨請小心！」該名荃灣街坊於facebook群組發文，指上周五（15日）於區內一家燒味餐廳購買半隻外賣燒鴨，沒料回家打算進食時，才發現燒鴨傳出異味，「買返嚟隻燒鴨好大陣臭味」，最終只能放棄進食。

樓主於是致電燒臘店反映情況，沒想到店員對相關情況毫不驚訝，反而坦白表示不少當日購買燒鴨的客人也有同樣投訴，表明願意補償，「個女店員答：『部機有問題，15號賣嘅燒鴨都係咁』，大癲！佢話下星期直接去佢度，送返半隻鴨畀我」。

店員的回應令樓主非常不滿，質疑店方明知食物有問題也照樣出售，「店員知道隻燒鴨係臭，照賣畀我，大家唔好再幫襯！」，同時決定向食環署投訴事件，呼籲街坊不要光顧，「唔好食都算，而家係賣臭鴨，明知臭都賣，食完出事咁點，痴X線！」。

帖文引起荃灣街坊關注，不少人認同樓主所言，指口味不合尚能理解，但食物安全問題卻不能容忍，「呢啲真係唔好退錢算數，真係要報食環，始終食入口食落肚嘅好大影響㗎！」、「佢咁答都得嘅，明知有問題都賣」、「明知壞咗仲攞出嚟賣，心地好差喎」。

亦有街坊指出曾有類似經歷，「以前係正常味道，近排都買過次燒鴨，食嗰陣又係好大陣臭味，仲以為自己聞錯，之後掉咗，原來唔係單一事件發生」、「上星期我女買半隻燒鵝，皮唔脆肉尚算正常！但半斤叉燒又霉已經開始有味！真係唔掂」、「之前買咗隻乳豬做節，返到屋企食，有怪味，似變壞，唔敢食，掉晒，從此列黑名單」。