鬼月怪事｜客人夜媽媽截的士話要去呢度　司機即嚇到拒載：唔去！

農曆七月正值「鬼節」之期，離奇怪異的事常發生，有的士司機最近於facebook分享詭異經歷，表示有晚凌晨遇到客人截車，指明要去一個地方，令他非常吃驚，當刻即表示拒載。不少網民也笑稱樓主撞邪：「你肯定嗰個真係客？」

該的士司機於facebook群組「的士司機資訊網 Taxi」撰文，表示近日有晚凌晨1時左右於觀塘某油站遇到客人截車，對方上車後即表明去「華人永遠墳場」。司機聞言嚇到不知如何是好，當刻即向對方表示「唔去」，又指：「七月節凌晨去乜鬼墳場！」

帖文引來不少網民留言，笑問司機「係咪羅蘭咁既樣，仲有少少綠綠地？」、「車上去唔驚，最驚係收到嘅錢，唔知點找」、「你真係可以買六合彩」。

亦有行家表示，乘客其實可能是員工或是附近的住客，「之前試過啦，幾條友係墳場看更，搭車上去交更」、「上面好似真係有人住，過咗第二個涼亭前少少山下面有幾間屋」。

（facebook群組「的士司機資訊網 Taxi」）