大媽唔排隊　趁巴士埋站即衝前打學生尖　壯男忍無可忍出招KO獲讚

等巴士要守規矩排隊是常識吧。有網民於facebook發文表示，排隊等候乘巴士時，遇到1名大媽站在站頭不排隊，到巴士埋站便上前打尖上巴士，令「學生哥」中招，幸好有熱心男看不過眼出聲，才解決事件。帖文引來網民熱議，大讚男子「正義」、「抵讚」；也有網民認為這種事經常發生，「都唔嬲得咁多」。

有網民今早（7月10日）在facebook群組「長沙灣街坊」上載相片發帖，指等候巴士時一名大媽「喺站頭唔排隊」，當見到巴士埋站才上前插隊想搶先上車，更指對方「專吼學生哥打尖」，幸好有「正義男士」留意到情況仗義出聲勸阻。

從樓主上載的相片可見，巴士埋站時有女學生正排隊上車，大媽跟在女學生後方，樓主所指的「正義男士」則跟在大媽後面。

帖文又來網民熱議，大讚男子「見義勇為」、「抵讚」，又直斥「打尖真係好乞人憎」、「我都好憎啲人唔排隊，佢哋唔排咪最後上囉，但次次見到我都會無啦啦上」，但也有網民認為毋須小事化大，「經常發生，都唔嬲得咁多」、「算啦，反正實有位，我就由佢」。