騎呢裝修！冷氣機入櫃難出風　事主崩潰求救　網民嘲：係咪叫雪櫃

家居裝修不只花錢，更是一種講求信任的「賭博」，稍有差池即出事！有網民近日大呻中伏，原來裝修師傅竟在冷氣機下方裝入一個櫃，導致冷氣機難以出風，結果要向網民求救。

該網民近日於Facebook群組「家居裝修分享谷」上載相片，崩潰表示裝修師傅設計把冷氣機放在收納櫃內，但由於出風口與櫃板太近，結果難以吹出風。樓主最後無奈的向網民請救，引來大批人討論。

不少網民笑指裝修師傅大整蠱，「幾好呀，防塵，唔使清潔隔塵網」、「出唔到風又散唔到熱，天才」、「樓主點解你會應承咁裝先奇」、「自製雪櫃」、「真係神級設計，宇宙級嘅搞笑，值得一讚」。

有網民建議樓主把櫃拆走，「搵人再𠝹走上面個part」、「櫃做矮啲」、「拆晒成個櫃算啦」、「再校過冷氣機個位，推到最出」。

（Facebook群組「家居裝修分享谷」）