茶餐廳外賣羅宋湯驚見巨型昆蟲！食客飲到一半先發現：尾指咁大隻

買外賣最怕不是貨不對辦，而是食完才發現衛生出問題！有網民日前分享中伏經歷，指在柴灣一茶餐廳購入外賣，喝了半碗羅宋湯才驚見湯內藏着1隻巨型昆蟲，頓時大感反胃。樓主認為事態嚴重，決定向食環署反映情況，又坦言被「加料」影響心情。

「真係大X鑊！」該名網民日前於facebook群組發文，指在柴灣興華邨商場一茶餐廳購入外賣，焗製餐點配有羅宋湯及飲品。樓主食過正餐後，打算享用餐湯，沒料喝至一半時，竟在湯內發現1隻大昆蟲！

樓主頓時大感反胃，形容昆蟲體形巨大，「一節尾指咁大隻，我仲要飲咗一半先睇到」。他覺得事件性質嚴重，反映餐廳衛生出現問題，於是向食環署反映，「已報，等處理，如果細隻都算了，但係咁大隻，真係搞唔掂」，又形容心情受到影響。

不少網民看過樓主上載的相片也直呼誇張，「哇好惡心好核突」、「報咗食環未？去睇個醫生先！」、「都幾嚴重嘅問題」、「咁恐怖！不是吧」。亦有街坊指出，涉事餐廳一向存在衛生問題，「呢間嘢，堂食坐最入面超多曱甴」、「同以前未裝修一樣」。