港女挑戰慳錢搭港鐵　斥被猥瑣阿伯狂𥄫要咁解決　1句話反成焦點

【港女／港鐵】有港女於網上發文，指「慳錢挑戰搭地鐵」，詎料未行到港鐵站，就被「猥瑣伯」不斷「望望望」，於是男朋友即「SPONSOR（贊助）」她搭的士，意味「挑戰失敗」。惟帖文引來網民「圍攻」，批評她有「公主病」、「係咪有被迫害妄想症？」；也有大批網民「錯重點」關注樓主要男朋友贊助搭的士，「個重點係sponsor啫」。另有網民質疑樓主只是「博出位」。

該港女於Instagram（IG）用車廂內自拍照為背景發布限時動態，寫上「本身諗住慳錢挑戰搭地鐵，點知未行到地鐵站，就有猥瑣伯望望望，男朋友即刻SPONSOR我搭返的士」。

該限時動態隨後被網民截圖並轉載到討論區，引來大批網民批評，「有社交恐懼症？」、「黐X線」、「係咪會幻想全部男人都係洪水猛獸，要避開」、「唔好出街啦」、「公主病」、「挑戰搭地鐵？咁佢平時點算，專車接送？」、「博出位定其實曲線」、「香港地做男人真係好X慘」。

也有大批網民「錯重點」，關注樓主要男朋友贊助搭的士，「個重點係sponsor啫」、「搭個的士都要人sponsor？」。