情侶去完旅行　港男：唔想佢再做我女朋友　結局反高潮網民送祝福

旅行絕對是情侶的煉金石，一場旅程既會令人想同偕白首，但亦有可能嬲到分手！有港男日前就發文，表示與女友去完旅行令他有了人生重大決定，並以「唔想佢再做我女朋友啦」開帖，正當網民以為又是旅行後分手的「月經Post」，但原來港男在旅行時發現女友很能遷就人，性格又體貼，於是決定在回航班機上求婚，而女友亦應允，雙方關係步入另一階段。

該名港男在香港討論區以「去完旅行後唔想佢再做我女朋友啦」發文，稱早前與女友去旅行，出發前叫女友規劃行程，「佢就話叫我決定，佢去邊都可以」。他透露前女友亦是如此說，但每次他計劃好後，前女友都會嫌三嫌四，到埗後又會不斷更改行程，令他厭煩至極，因此亦相當怕現任女友會好像前度一般。

詎料旅行期間，樓主女友一直「好聽安排」，亦相當滿意樓主設計的行程，整趟旅程都沒有爭執。樓主透露唯一不滿是女友花費較大，買太多手信，「點知原來佢係連我屋企人、同事、朋友嘅手信都買埋」。樓主的不滿頓時煙消雲散，更大讚女友為自己身邊人細心考慮。在回程返航時，「我決定唔要佢做我女朋友啦」，樓主在飛機上向女友求婚，而女友亦欣然答應。

樓主表示總是聽到別人說情侶去完旅行便會分手，而他認為「旅行嘅過程真係可以睇清楚一個人」。雖然不知道去趟旅行就決定終生大事會否太衝動，但他覺得女友是適合人選，「我連求婚戒指都冇準備就求咗婚，佢冇戒指都肯嫁畀我」，又承諾一定會後補戒指給她。

帖文引來網民熱議，不少人都表示以為樓主是旅行分手的「月經Post」，沒想到是曬幸福，又大方送上祝福，「恭喜你呀，仲以為你去完旅行分手」、「恭喜搵到好老婆」、「會諗埋你身邊嘅人先係最好，樓主你執到寶啦」、「是真是假都好，師兄呢個係近排見到唯一正能量、正面嘅故事，睇咗都替你開心，此帖難得」。

不過也有人認為樓主對於婚姻大事應再三思量，「太衝動了」、「先去嗰一次旅行，希望你第時唔後悔」、「結婚係人生大事，應該諗清楚」、「希望師兄女友呢幾日唔係扮嘢啦」。