大快活煲仔飯外賣紙盒着火！食客原煲買回家出事　店方道歉賠餐券

外賣煲仔飯竟起火？昨日（29日）有網民在facebook發文，指其公司1名兼職女同事於海之戀的大快活購買原煲煲仔飯，詎料回家途中，由外賣紙盒包裝着的煲仔飯竟然「着火」，頓時嚇得她不知所措，幸好最後在鄰居幫忙下成功撲熄火勢，幸沒有人受傷。發文的網民今日（30日）下午再度更新，指大快活已聯絡其同事，就煲仔飯起火事件道歉，同時提出賠償價值500元的餐券。《香港01》記者正向大快活查詢。

該名網民在facebook分享「着火煲仔飯」的照片，表示公司的1名兼職女同事昨日於海之戀大快活買了煲仔飯，但後來拿着外賣回家時，竟發現紙盒着火，「你冇睇錯，係成個飯着咗火」，事主及其家人當下均被嚇得手足無措，還好有在場的鄰居立即拿水救火，成功將火撲滅。

據照片所見，用作擺放煲仔飯的紙盒已有一半被燒毀，只剩下一片焦黑，地上盡是灰燼。帖文隨即在社交平台上瘋傳，大批網民亦大感驚訝，紛紛留言稱「好恐怖啊，最緊要人冇事，但係咁點放心食」、「咁誇？！熱到出火？！」、「好危險，但係我真係忍唔住想笑」、「食得夠癲」、「睇到好驚驚」、「起碼證明到個煲仔飯係熱」、「比煲仔飯更殘忍嘅飯，自燃煲仔飯」。

也有網民推斷起火原因，「個煲太熱又燶咗，燒着咗個紙皮」。中大物理系高級講師湯兆昇博士經營的「湯博士的物理空間」Facebook專頁亦打趣留言，「我信個人自燃多啲囉」。

發帖者指，事主已發電郵至大快活反映事件，又稱目擊事件的保安員也直言「萬中無一嘅事件」，自己也難以相信眼前所見。至今日（30日）下午，發帖者再次更新，表示大快活「唔知從乜嘢渠道拎到我同事嘅手提電話號碼」，致電同事就事件道歉，同時提出以價值500元的餐飲券作為賠償，「同事爹哋媽咪似乎唔想搞太大，所以留畀佢哋自己解決啦」。