先讓巴士切線　車長「一手勢」道謝　司機超驚喜：係愛呀哈利！

不少駕駛者都知道「畀個五」或打死火燈是道謝的意思，通常遇上其他司機主動讓線都會派上用場，但最近有司機就在社交平台上傳影片，看到當他慢駛讓旁線巴士先行切線後，車長伸手出窗外做「手指心心」手勢，讓他非常驚喜，不禁稱「係愛呀哈利」，大批網民看後也紛紛稱讚兩人的舉動「好有愛」。

樓主在facebook群組分享車Cam片段，顯示事發於周三（11日）早上約8時的上班繁忙時間， 1輛巴士欲往右切線至大老山隧道入口，樓主見狀隨即慢駛讓巴士先行，不久便看到車長從車窗伸出右手，並比出早前紅遍亞洲的「手指心心」，完全切線後再閃死火燈，以表達謝意。

巴士車長的「手指心心」殺樓主一個措手不及，在帖文坦言「係愛呀哈利，而家唔係畀個5，係畀手指心心」，大批網民亦留言稱讚樓主與車長，形容兩人的互動「好有愛」，紛紛留言指「很可以，這手勢很有愛」、「如果個個都識咁揸，條路一定順好多」、「讓到你去天腳底」、「我會畀返個飛吻佢！」，也有自稱曾為巴士車長的網民分享，「曾經都係巴士佬！通常畀5蚊，偶爾都會畀5蚊送埋個死火燈」。