【辭職旅行】80後女生「以畫換宿」免費遊遍歐洲澳洲240日

一次旅行，足以影響一個人。普遍觀念「一個女仔去旅行好危險」，偏偏一名80後香港女生，隻身用8個月時間，透過「以畫換宿」免費遊遍歐洲、澳洲、新西蘭，渴望「追求人生另一種可能性」。

隻身出走歐洲寄住逾40個家庭

80後女生Circle接受《香港01》訪問時，形容自己：「唔圓滑、唔世界女，有時喺香港做嘢都幾辛苦。」前年一次公司調動，她毅然辭去記者工作，隻身出走歐洲，「當時冇諗太多，朋友都話『有冇信心返到嚟搵到差唔多價錢？』，想追求另一種可能性」。於是心口掛個勇字準備行程，以外國流行的Couchsurfing（沙發衝浪）形式旅行，沿途於超過40個家庭寄住。

外國流行的Couchsurfing旅遊網，只要登記為會員便可當「沙發客」或是提供住宿，旨在鼓勵來自世界各地會員，互相招待，不涉及任何金錢交易，主張以「分享」作為回報，換取住宿。但樹大有枯枝，過往亦曾發生多次屋主侵犯「沙發客」事件，屢見不鮮。

4個月「免費」遊27個城市

「做最好的準備，做最壞的打算，屋主對你好係bonus（額外收穫）」，出發前Circle會翻查所有「沙發客」對屋主的評價，「有一個negative（負面留言）我都唔會去」，保障自身安全。前年8月，僅兩星期時間準備，寫屋主，終於出發，一個人出走歐洲，用4個月遊走27個城市。

歐洲路程：
莫斯科→倫敦→哥本哈根→奧斯陸→斯德哥爾摩→赫爾辛基→聖彼得堡→塔林→裡加→維爾紐斯→華沙→布魯塞爾→根特→阿姆斯特丹→烏得勒支→盧森堡→都柏林→哥爾韋→愛丁堡→里斯本→馬拉加→格拉納達→巴賽隆納→馬德里→阿布達比→杜拜

「沙發客」去信屋主時，會先說可以「分享」甚麼，Circle的「賣點」是為屋主畫一幅肖像畫。遇有言語不通、文化差異，Circle可以「用畫去交流，去溝通」，談到最大感受，「係外國人對藝術嘅尊重」。她舉例「有次入住一個做裝修嘅屋企，好似好基層，但屋主都會花時間去欣賞我畫畀佢哋嘅嗰幅畫，同埋佢哋會願意用一幅畫去做住宿嘅代價」，Circle感嘆香港「一個資本主義社會，只會用錢去衡量一個人」，或者，以普遍港人的思維，便會問「做呢樣嘢有冇錢㗎？」去衡量「值與不值」的行為。

香港經濟單一　自言「發唔到達」

遊歷歐洲的體驗，令Circle反思自己身在香港的價值，因為香港經濟太單一，尤其以金融為本，賺錢至上，根深柢固。她指「與生俱來嘅才能，唔係金融、數學......我唔係呢啲才幹」，她想了想，「我只係寫嘢、畫畫，如果做個文化人，只係得萬幾二萬人工，發唔到達，又餓你唔死咁。」或許這就是香港文化人的寫照。

4個月時間歐遊，轉眼就過，前年12月至3月，Circle繼續一個人去到澳洲及新西蘭「沙發衝浪」，又花了4個月時間感受「人生的可能性」。

香港「人口愈密集，關係愈疏離」

「人口愈密集，關係愈疏離；地方愈疏離，關係就愈好」，Circle遊歷8個月後，這樣看香港的疏離。她指「冇人會想逼，走在西洋菜街，你唔會想知邊個係隔籬同你逼緊」，每個人都需要足夠空間，當空間不足，疏離與保持陌生，因此而生，「好似行山咁，空間大咗，你就會好樂意認識身邊同行嘅人」。香港並非天生不能Couchsurfing，反而是「土地問題」，因空間太小，影響個人行為，影響互信，影響價值觀，Circle留下疑問「誰是空間設計者？」令到人與人之間增加疏離感，值得一再反思。