【縮時香港】公屋舊樓拍地道風貌　攝影師籲柯P睇片感受本土香港

香港攝影師花一年時間拍出約4分鐘的縮時短片，展示香港景點之外的一面。Patrick以本土為題，走訪最地道的街市、舊樓、公屋，以及獅子山下，拍攝香港小市民的平日生活。
近日台北市長柯文哲（柯P）發表「香港很無聊」論，Patrick向《香港01》笑指對方可以看看這條短片，「香港唔係得一啲好華麗好靚嘅景點，本土特色都係好靚」。

擅長縮時攝影（Timelapse）及動態縮時（Hyperlapse）的攝影師Patrick Cheung接受《香港01》訪問，大談拍攝當中的點滴。他指構思在去年年初已經浮現，並於農曆新年後開始拍攝，自己拍照、剪片「一腳踢」，到今年3月才完成前期部分。他表示每年均會為自己的照片訂立主題，今年就是本土，「以往有好多外國人拍攝香港一啲好標誌性嘅景點，但本土唔係好多人知」。

故意不拍景點　影屋邨、舊樓夠本土

在Patrick的短片中，不但有五光十色的維港、代表港人精神的獅子山，亦有色彩斑斕的彩虹邨、「四方樓」禾輋邨、「怪獸大廈」海山樓、喧鬧的廟街、處身鬧區之中的天后廟，他指短片選址故意剔除景點，「香港唔係得一啲好華麗好靚嘅景點，本土特色都好靚」。

短片中出現的地方：

觀塘平山
牛池灣彩虹邨
沙田禾輋邨
鰂魚涌海山樓
元朗錦田吉慶圍
佐敦渡船街
佐敦廟街
油麻地天后廟
西貢墟天后古廟及協天宮
粉嶺三聖宮北帝廟
尖沙咀維多利亞港
深水埗嘉頓山

編排之上，Patrick也有不少心思。開首影像中，上方是獅子山下的住宅，下方為維港景色，其後上下調轉，「原意就係好多人見到好靚嘅維港，倒轉就係獅子山下彩虹邨、坪石邨，（維港）背後就係獅子山下嘅我哋，香港嘅另一面就係呢度」，其後進入市民的生活，包括去廟宇拜神，到街市買餸，再走進舊樓、屋邨，一天完結之前，香港人便會回家食飯。這就是他口中說的「本土」。

自己、妻子及外母均有入鏡　拍攝公屋生活

「舊樓係好多人由細到大都住，包括我；廟啦，其實好多區都有廟，但係唔係好多人留意，得意在於喺高樓大廈中間突然凹入去。」片頭片尾更有公屋住戶的生活，原來是他外母的家，他自己亦有出鏡，還把太太、外母「拖落水」。他笑指外母雖然不介意「拋頭露面」，但指公屋設計不美觀，他反而認為這才是一般香港人所住的地方，「就係想表達香港人嘅生活細節，好多人都有咁嘅經歷」。整段拍攝一次完成，他表示想像中的畫面就是一家人自然地食飯，不用花巧，不須做作。

笑言柯文哲不妨看短片感受香港另一面

近日台北市長柯文哲發表「香港很無聊」論，有人也指Patrick的短片彷彿回應柯文哲，他指作為香港人，並不認為香港只得一面，而是一個很多元化的城市，「香港唔係得大路嘢，香港唔係無聊，仲有好多本土文化其他人未知，例如小店嘅人情味係好濃厚，而喺大城市嚟講唔係好常見」。他笑言「如果你覺得香港好無聊嘅，不如睇我條片啦」。

拍攝縮時難題：無法去廁所

在海山樓的拍攝須一個半小時，於旺角街市更花了兩小時，Patrick指每個地方都要耗費多於一小時，他指當中的難題是，無辦法去廁所，「Hyperlapse（動態縮時）係影一張相移一步，唔可以停太耐，隔10秒就要影一張」，所以他事先不能喝水。而在旺角街市由頭行到尾的鏡頭，他花了兩個小時拍攝，又因人流不斷、商販運貨需要讓路，他就在地下標示位置，避開人群後再拍攝。

因短片他到訪廟街三次，又去海山街拍攝兩次，但原來他也有不滿意的地方。「廟街我係失策咗，本身佢哋一到5、6點就開始搭攤檔，原意想由檔仔條街一直行到尾，但我去嗰日係星期六，佢哋早咗『開壇』，我3點去到佢哋已經砌到一半。呢度就有啲意外喇，哈哈」。至於日落的鏡頭，原來也要靠運氣，「去平山影日落真係要睇天色，我去咗三次，頭一二次都唔靚，我唔忿氣就去多次，點知嗰日就靚喇」。

許冠傑大仔度身訂造音樂

拍攝3分38秒的影片，Patrick指其實有多逾五千張照片，不但拍攝過程花上大量時間、心血，後製部分也用去差不多一個月的時間，「場景轉場景，例如廟街轉去海山樓嗰幕，要cut走後面背景，再擺海山樓喺background」。而片首片尾獅子山及維港景色的轉換，他就指每天處理5、6小時，也需要一星期才完成。至於短片音樂《Chase this Light》，原來是許冠傑長子許懷欣（Ryan Hui）為Patrick「度身訂造」，Patrick笑言兩人熟稔，才能逼他在數天內完成創作，他對於好友幫忙非常感激。

這段短片已獲2017第二屆「先進動態影像獎」4K超高清短篇影像銅獎，不過Patrick指參賽時未有足夠時間，所以參賽片段會較粗糙，現時短片則較接近他心中的完成品。Patrick表示自己於2012年才入行，以前只是業餘性質。以往到非洲、南極等地拍攝電視節目，又為廣告、MV等拍攝縮時影片，數年來也獲得多個各地攝影獎項。