唔撈！OT夠9小時申休假竟被老細1句串爆　打工仔即辭職再霸氣反擊

【職場日常／辭職】香港人工作忙碌，「OT（加班工作）」是家常便飯，但如果上司也不體諒，的確難捱。有打工仔表示，自己儲夠「OT」鐘數後向老細申請「time off（休假）」，詎料老細斥責他因為工作時不夠「focus（集中）」才會「OT」，令打工仔氣炸直接遞信辭職，直指「咁不滿我工作表現，我都係唔阻你公司發展了」。事件引來網民熱議，不少人大讚做得好，「有霸氣」、「唔OT又話你hea ，OT又話你無效率」、「跟住啲X人，只會被壓榨同被利用」；但也有網民認為老細無講錯，「篤中咗你死穴所以咁大反應？」。

該打工仔於Facebook專頁「奴工處」撰文講述自己在舊公司經歷。他說，公司當時聲稱只工「OT」足9小時，便可以申請一日「time off」，於是儲夠「OT」數後便向老細申請，沒想到老細反批評他工作效率差，「老細話『知唔知你點解要ot？係因為你做嘢唔夠focus。我睇過你個schedule，如果你夠focus，其實唔會ot』」。

樓主表示，聽完老細訓話後，他轉頭便遞信辭職，並向老細直指「咁不滿我工作表現，我都係唔阻你公司發展了」。

帖文引來熱議，不少網民大讚樓主做得好，「讚同啊，大家理念唔同」、「有霸氣，欣賞」、「做得好，但假一定要攞」、「啱啊，跟住啲X人，只會被壓榨同被利用」、「唔OT又話你hea ，OT又話你無效率」。但也有網民認為老細講法無錯，毋須反應過大，「其實，老細講得無錯喎……」、「篤中咗你死穴所以咁大反應？」。