有伏？港男交友App表白被無視　女方1年後竟回覆　網民：不懷好意

有時差要相隔1年才看到訊息？有港男於討論區發文表示，1年前在手機交友應用程式認識了1名女生，他喜歡上對方並傳訊息表白，但對方之後一直沒看訊息，「連藍剔都冇」，沒料到1年後對方竟回覆說想再深入了解他。他無奈地說，「雖然一年後我都未有女朋友，但係我已經冇當初咁鍾意佢啦，如果佢一年前就覆我嘅話咪好囉」。

該名港男於香港討論區以「個女仔隔咗一年先覆我告白短訊」為題發文表示，當時表白後等了1星期也不獲回覆，心想可能對方對他沒意思，連訊息也不看，因此放棄了追求。沒料到1年後對方回覆說想再深入了解他，並解釋因收到太多訊息，所以1年後才看到他的訊息。他說，早已放棄喜歡對方，「唔鍾意人又同佢拍拖好似唔好」，並怕若分手會受傷及怕對方想借錢或賣保險。

不少網民認為女方不懷好意，指出「有冇可能係一年前其實對你冇興趣，而家見無聊先搵你」、「一年內換N個，現在輪到你啦」、「俾人玩到殘晒變咗N手X，老咗無人要搵你埋單」、「水泡味濃喎」、「有啲隔咗五六年再搵返你，睬佢都傻啦，通常都不懷好意的」、「呼之則來，揮之則去，見多兩次又已讀不回，之後過三年佢又無着落又搵你了，咁cheap（低賤）做乜」、「唔鍾意咪唔好理佢囉！你都係第366號後備呔」。

不過也有網民建議樓主「去馬」，表示「而家才了解都未遲，如果有緣，十年後都可以才一齊」、「可能一年後佢仍未遇到，咪試吓囉」、「試一次約會，才是真正畀機會大家，亦不會有甚麼損失。做男人，要大方！」、「若未有女朋友，why not（為何）唔畀機會大家試下！」、「試下真係冇壞，加油」。