鄰居確診隔離唔肯關門　港男憂播毒「可否報串」　網民教咁樣反擊

本港新冠肺炎疫情嚴峻，確診人數未見回落，有港男分享指，對面屋有人中招正居家隔離，惟該住戶長期開門，管理處特意提醒亦只願「應酬式」半掩大門，令樓主擔心會被傳染，「點算好？有冇得報串篤X佢」。

該港男在facebook群組「沙田之友」發帖，指近日住在對面屋的家庭有確診個案，正家居隔離，惟那家人沒有長期關上大門，即使管理處提醒要關門，亦只是半掩大門應酬一下，始終不願關上。他不禁求問網民，「有冇得報串篤x佢，等佢畀人捉x晒佢全家入竹篙灣？」。

網民都批評確診住戶自私，又指有人試過遇到同樣情況，結果自己都染疫；有人就提議多個方法應付，「出面時不時洗地，倒水，佢哋自然會關」、「噴有味消毒劑係門外」、「你可以報告衛生署，會派人跟進」；更有網民獻出1個非常做法，「你燒冥錢他肯定關門」。

不過有網民就指業戶打開門並無觸犯法例，亦冇犯大廈公契，「就算佢唔關門，基本上冇問題」，管理處沒權叫他關門，有人亦指被隔離已經不能外出，「想開門透吓氣都要俾鄰居批鬥」。