兵仔悲歌！KOL女友禁出街拖手接吻、IG公開關係　港男自嘲似做兵

「條女很清楚收兵好過嫁人！」有港男於討論區發文痛批KOL女友的9大港女行為，舉例外出不可以拖手接吻、新衣服穿完一次就不會再穿。他嘲諷女友的Instagram只有2000多名追蹤者，卻常常有「偶包」，「覺得自己係公眾人物」，又慨嘆自己「似係兵」。有網民笑言，「你幾時產生你唔係兵嘅錯覺」、「你只係2000幾個人入面嘅其中1粒兵咋」。

該名港男於Dcard討論區發文列出女友的9大港女行為：

1. 外出一定要找裝修精緻的咖啡店及餐廳拍照

2. 經常要求他揹着「重到死」的相機

3. 吃東西前要「影一輪」，「影到嘢食都凍晒」

4. 外出不可以拖手接吻

5. 要幫女友拿所有東西

6. 外出每隔一段時間就要去廁所補妝

7. 新衣服穿完一次就不會再穿

8. 每晚用很多時間在廁所護膚，「等佢等到訓着」

9. 他的Instagram不可上載任何關於女友的東西

有網民留言揶揄，「畀啲信心自己，一定唔係兵，似工人多啲」、「唔好放佢出嚟遺害世界」、「唔可以拖手，拍嚟做乜，而家明星都公開拍拖喇」、「揀會一直keep自己最佳狀態嘅靚女就有呢個代價」、「識到有錢佬9成9分手，你有得玩好玩」。

不少人勸樓主盡快分手，「竟然只係上嚟開po而唔係分手，樓主你仲未醒」、「師兄快啲醒覺，搵返個正常啲嘅女仔拍拖好過啦」、「2000幾（追蹤者），鬼有人識你咩，師兄快啲喺佢有『爸爸』之前分手，sorry係退兵役」。