兩餸飯店現驚嚇菜式「炸廁紙」　食客咬開咕嚕肉驚見紙巾：得人驚

兩餸飯或三餸飯不但是窮人恩物，更是方便、快捷、飽肚之選，不過有網民光顧銅鑼灣1間食店的三餸飯時，卻驚見「咕嚕廁紙」，即炸咕嚕肉外皮下竟然是1張淺啡色的紙巾，非常惡心，「好得人驚，請大家小心唔好再幫襯」。

該網民前日（15日）在facebook群組「香港兩餸飯關注組」上載數張照片，指當日下午3時許到銅鑼灣1間食店，購買三餸飯盒，食到一半卻驚見原本的咕嚕肉變成「炸廁紙」，令人反胃。

從照片可見，飯盒內有數塊咕嚕肉，其中一塊被咬開，發現咕嚕外皮下是1張紙巾。樓主表示已就事件通報食環署，又指自己陰影很大，「講起食就想嘔」。

網民對於「炸廁紙」都感驚訝又惡心，「一睇到就想嘔」、「扣喉都嚟唔切」，又認為事件太誇張，「呢個咪係失傳咗好多年嘅紙包骨？」、「呢個post（帖文）理應置頂，間嘢太癲」。不少網民則好奇紙巾本來有何用途，「啲紙質係咪好似廚房用紙？如果係唔使太擔心，好大機會用紙處理食材果陣留底咗」、「食落有無滑潺潺口感? 」，樓主卻留言回覆稱「樓面姐姐講廚房好熱，所以廚師拎嚟抹汗」。