驚見麵中有蟲　港女冇胃口唔食被男友斥公主病　一招反擊網民大讚

「郁啲就話人有公主病？」有港女於討論區發文大呻，日前與男友到小店吃飯，她發現麵中有蟲，即時「唔開胃」，沒再吃下去。男友卻不斷反白眼，斥她有「公主病」，她一怒之下出招反擊，「一嘢將隻蟲掉落佢個碗到」，結果男友惱羞成怒「拍枱走人」。

該名港女於Dcard討論區以「碗麵有蟲我唔食，佢就鬧我公主病」為題發文指出，「隻蟲就算再細隻都係會有菌㗎嘛」，她見到就覺得「唔開胃」及不悅，但又不想叫店員換過一碗，擔憂「係咪真係有換㗎？一陣加料咪仲衰」，因此乾脆不吃。

男友看到她此行為，斥她有「公主病」，她不滿地說「大佬，肯陪你食小店有幾公主病？咁見到佢個死人樣我就把鬼火，一嘢將隻蟲掉落佢個碗到」，男友居然「夠膽拍枱走人」。她揶揄道「唔係話高温消毒可以照食咩？一日到黑剩係識情緒勒索，我都用你個招對付返你啫」。

有網民建議樓主與男友分手，又說「同佢交換，嗌佢食你嗰碗」、「你男友得個講字，自己都食唔落仲發脾氣，仲叫人食，大癲」、「出街食嘢發現有蟲，我驚我控制唔住自己嘔到一地都係，唔報食環間餐廳都偷笑啦」、「樓主嘅反擊真係好正」、「一個經常煮飯嘅人話你知，啲材料浸過洗過係一隻蟲都唔會有，我試過中途真係飛咗隻蟲落啲餸度，然後我關爐成碟倒咗」。