體檢揭女友患隱性地中海貧血　港男打消結婚念頭秒分手　妹斥渣男

真正愛一個人是無論發生什麼事也不離不棄。有港女於討論區發文分享哥哥的賤男行為，指出哥哥原打算與拍拖4年多的女友明年結婚，但日前兩人收到身體檢查報告後，發現女友患有隱性地中海貧血，哥哥很想生育，但怕小孩被遺傳，因而直接跟女友說覺得兩人不適合結婚，所以想分手，她批評哥哥不說清楚真正的分手原因「真係好過分」。

該名港女於香港討論區以「我阿哥同佢女朋友個分手原因係咪好過份」為題發文表示，哥哥女友的家人有遺傳病，因此兩人結婚前去了做身體檢查，收到報告後哥哥身體沒大問題，不過女友則被指患有隱性地中海貧血。

她說，哥哥知道後「直接同佢女朋友講佢覺得佢哋唔適合結婚所以要分手，但係冇講到個真實原因畀佢女朋友知」。哥哥指出，幸好是在未籌備婚禮前發現，否則連擺酒的訂金「都蝕埋」。她表示，哥哥的女友很傷心不知為何突然間被分手，她怒斥「我唔知隱性地中海貧血如果遺傳畀下一代會唔會有咩影響，剩係覺得阿哥連同人哋分手都唔講清楚真係好過分」、「自己都無諗過阿哥都係一個渣男」。

有網民批評樓主哥哥自私，「確實個危險性應該諮詢醫生再決定囉，唔係話一聽到就走夾唔抖，你哥都認真幾賤」、「你哥哥真係賤呀，但早放生條女都好，將來如果有咩病，你哥一定不能同甘共苦，女人唔係娶翻屋企用嚟生仔㗎嘛，揀個生活同你合得嚟可以過世嘅人真係好難，你哥唔講，但你可以話畀佢女朋友知真相」、「如真愛女方，何以如此殘忍？領養小孩已很普遍。只視女方為傳宗接代之用，縱使結婚生仔，也不會給女方幸福，所以女方其實避了人生一劫！」。

有患地中海貧血的網民分享自己的病況，「你阿哥真係冇腦，其實隱性地中海貧血真係冇咩影響，我媽咪daddy都係有隱性啦，我daddy仲要有咗我同阿妹先驗到自己有隱性啦，我同我阿妹都係中度地中海貧血啦，只係隔半年就要去醫院覆診同抽血，其實都冇咩問題。我每次去覆診同抽血，我男朋友都會陪住我，佢完全唔介意我有地中海貧血，你阿哥真係好渣，一世做寡佬啦，佢根本就冇愛過佢女朋友」。

不過也有網民認為哥哥選擇分手做法沒錯，「怕下一代有，都冇唔啱」、「實話實說，只能話係你阿哥自己選擇，外人睇雖然好似好賤，但地中海貧血的確可以係非常嚴重嘅遺傳病……如果佢堅持想要自己小朋友，而佢同女友生落嚟又真係有病，治療唔少錢，佢哋唔夠錢找你哋幫，唔通唔幫？所以喺另一方面睇，佢只係做咗最負責任嘅決定，只係可以同女方直講，處理得好啲」。