港男怕熱吹風扇仔被同事取笑似女人　網民：唔通要出汗臭死佢哋？

本港近日天氣酷熱，外出一陣子沒太大郁動也大汗淋漓，此時1部手提式風扇絕對是「救星」。有港男於討論區發文大呻，日前他第一次與新公司的新同事們一起吃午餐，走到餐廳時他已全身是汗，「等位嗰陣我真係頂唔緊」，於是拿了手提式風扇出來吹，沒想到「啲同事就話我成個女人咁」，取笑他「乜咁怕熱㗎」，讓他也自我懷疑男生是否不應吹「風扇仔」。

該名港男於Dcard討論區發文，指出自己天生很怕熱，「真係會熱到中暑唔舒服」，但日前在同事面前拿了手提式風扇出來吹，立即被取笑「成個女人咁」。雖然新同事語氣尚算友善，但他不禁自我懷疑「乜真係好X咩？」。

網民留言建議樓主毋須理會同事，「關佢哋X事咩」、「見過啲阿叔唔知點綁喺後腰，tee入面吹上去，都幾麻甩，唔會成個女人咁，參考下」、「我唔鍾意曬太陽，所以通常出去都會擔遮，咁我咪仲柒，條街除咗女仔，得我1個男人擔」、「黐線，係咪要我哋呢啲大汗人士出汗臭死晒佢哋先得啫，明明咁熱嘅天氣唔用風扇仔都唔得」、「唔敢帶風扇而中暑最X」。