幼稚園兒子講粗口　港媽爆粗質問：邊個教你？　網民：身教好重要

父母身教比言教更重要？有網民分享1次經歷，指在街上遇到1對母子互爆粗言，媽媽更粗口夾雜地質問穿着幼稚園校服的孩子，「你做乜X嘢學人講粗口」，令樓主目瞪口呆，感嘆家長身教的重要，「自己做嘅嘢，其實好影響小朋友」。

該網民投稿至facebook專頁「生仔要考牌系列」，指有日等過馬路時，旁邊有1名媽媽正在大聲責罵身穿校服、就讀K2或K3的男童，「你個死衰仔，你老母我咩面都無X晒，你做乜X嘢學人講粗口？」，兒子則回應一句「X，我無呀」，加倍辣㷫媽媽。媽媽再爆粗質問「你又講！邊X個教你㗎？係咪同學教你？」，兒子則大叫大喊否認，惟媽媽繼續責罵，稱收到老師投訴，更質疑兒子在講大話。

兩母子大聲爭拗引起不少途人的注目，樓主亦指當時很有衝動為小朋友代答媽媽的問題，「問邊個教佢講粗口嗰陣，我想答『咪媽媽你囉！』」，但始終只是路人一名，不宜干涉別人家事，就沒有開口。

樓主在帖文中感嘆身教很重要，認為小朋友只是一張白紙，他們未必懂分對錯，只會跟大人的言行，「唔該你講少兩句粗口啦，你着到咁靚，但一講嘢，咩形象都無晒」。