職場欺凌！港爸遭同事塗糞落衫　上司息事寧人包庇　網民教咁反擊

在職場遭遇欺凌行為切勿啞忍，何況這次真的完全過了火位！有網民投稿到職場專頁，指爸爸上班時遭職場欺凌，有同事打開其儲物櫃，將糞便塗在其衣服上，爸爸雖曾向上司投訴，但上司為了息事寧人竟然包庇犯人，樓主無助地問道：「點樣先可以幫到他（爸爸）呢？」網民直斥抹糞行為是犯罪，獻計教樓主如何大反擊！

該名港男投稿至fb專頁「奴工處」講述事件，有網民建議他的爸爸應盡快轉工及報警處理，「東家唔打打西家，天空海闊，遠離有毒的人和環境，以免毒害自己情緒和心理健康。呢家啲人已經衰到咁，下一家點都唔會再衰過呢到，勇敢踏前離開。同爸爸傾多啲計，以免屈喺心到情緒病」、「明顯條友有後台，宜轉工，可以照投訴！公司多數唔會炒個人，日後大家面左左，做嘢好易被人挑剔，危險」。有人直指有關行為是犯法，紛紛獻計教樓主爸爸反擊，「影相>睇精神科>精神受創>攞晒啲病假／工傷假佢」、「影相>HR>報警>勞工處」、「刑事毀壞嚟，同HR講會報警處理」。