呻女友次次出街揹細袋　港男嘆要代揹雨傘外套：拎袋意義喺邊？

手袋是女性至愛之物，有港男近日於討論區發文大呻，女友買的手袋一個比一個小，有些甚至小得連手機也放不下，每次外出都要拿多個袋或將物品放在他的袋中，他不禁問道「咁佢拎袋嘅意義喺邊？連出街要拎嘅嘢都拎唔到」。

該名港男於香港討論區以「其實一直都好唔明，女人啲袋咁細到底裝到啲咩？」為題發文表示，女友每次與他逛街都會揹細袋，然後將化妝袋、雨傘、外套等放進另1個袋或他的袋。他曾買過1個大袋送給女友，「諗住佢下次就可以自己裝晒啲嘢」，怎料女友只揹過1次，之後就沒再揹過，嘆道「啲嘢都繼續放我袋入面」。

網民留言指出，「裝到咩？用來裝飾的」、「手機、零錢、面油紙、口紅嗰啲囉」、「係用嚟裝可愛，等於戴戒指、頸鏈都係冇用㗎」、「姨媽巾，銀包基本上唔使帶，有兵會畀錢」、「陰公，幫娘娘裝嘢拎嘢，拍拖拍到好似做太監咁」、「你買一個大袋畀佢，便是失敗了，佢係想你拎，不是佢拎」、「鬼叫啲名牌袋細細個都幾皮嘢咩？大袋過10皮，你買畀佢？」、「話之佢細，總之最緊要係名牌」。