幫上司買$308貨品 僅獲請食百元午餐找數 打工仔靠1句話追差額
正所謂「講錢傷感情」，朋友和同事之間最好還是避免金錢瓜葛。有打工仔最近發文，指早前幫上司購買308元的電子商品，2人後來一起吃午飯，樓主的餐點約100元，上司直接支付合共約320元的餐費，以此當作歸還買東西的費用。樓主屈指一算，認為上司尚欠他200元，但不知應如何開口，幸好最後在同事的「助攻」下，他當場向上司問道：「想Payme返飯錢畀你，定係直接買嘢到扣？」，才成功取回款項。
網民「做到頭都痛」在連登討論區以「應唔應該開口問上司收錢？」為題發文，表示上司得知他家附近有電腦商場，便問他可否幫忙代買東西，樓主答應後幫上司購買價值308元的商品，翌日便將東西交給對方。他後來與該名上司一同到某間中檔餐廳吃飯，兩人分別點了108元和168元的套餐；付錢時餐費合共大約320元，上司付錢後說，「差廿幾蚊由得佢啦，當係唔該你幫我買嘢」。
樓主聽得一頭霧水，稱「雖然張單個銀碼係仲多咗廿幾蚊，但我只係食咗$108，到底佢係唔識計數定點？」。身為打工仔的他本來打算就此作罷，但聽到上司自以為大方的語氣，便苦惱應否追討差額，「應唔應該開口同佢講，佢可能以為係我倒欠返佢」。
帖文一出，大批網民均認為樓主要向上司說清楚，「客氣啲計清條數，如果佢賴賬就豪畀佢，下次再買嘢或者食飯，就拒絕或舖舖清，賒借免問」、「返到公司當眾落佢面啦」、「當刻就應該講，數還數，路還路，大家都係打工仔，均真啲好」。
樓主其後在帖文回覆，分享最後自己如何成功追回200元，稱感激公司有女同事剛好問起餐廳的質素，他便順勢向上司問道：「係喎，想Payme返餐飯錢畀你定係直接買嘢到扣？」上司當時還指「唔係差唔多錢咩」，這時樓主才有機會解釋，「我哋兩個人食所以差唔多」，順利化解誤會。
同場加映：前女友突來電借錢數萬元 稱失業半年急需周轉 港男：借定唔借？