奶奶突不准上門　港媽悉背後原因悲憤內疚　1招補救獲讚好新抱

【疫情／Omicron】本港第五波疫情已累計超過100萬人確診，有港媽於討論區發文，指奶奶之前會熱情地叫她們到其家吃飯，惟近日「提都唔提」，更以「好忙」、「大廈好多人中咗」為藉口不准她們前往。結果港媽發現，原來老爺染疫但不想她們擔心，而奶奶自己亦已有病徵，「我哋知道咗之後又嬲又無奈」，於是她們立即送上物資及藥物，幸好老爺奶奶只是輕症無大問題，「如果唔係我哋真係會好內疚」。帖文引來熱論，網民紛紛大讚樓主，「好新抱，你奶奶有福氣」。

有港媽於香港討論區以「終於知奶奶點解一直唔畀我哋上去」為題發文，指雖然與老爺奶奶分開住，但不時會到對方家中吃飯。她指出，奶奶之前每次都好熱情地叫她們上去，惟近日奶奶突然「提都唔提」，即使她們主動說要前往，奶奶亦會以「好忙」、「大廈好多人中咗」為藉口拒絕，「叫我哋唔好上去」。

奶奶堅持下，港媽未有強硬前往，到前幾天她與奶奶講電話，聽到對方聲音有異「好重鼻音」，「問多幾句奶奶又係話冇事，我同老公都係擔心」，於是說要前往探望，奶奶則反應極大拒絕，「我哋即刻覺得有啲嘢」，旁敲側擊下奶奶終於講出真相，「原來老爺中咗（懷疑同老友記食飯時被對方傳染），但老爺又唔想我哋擔心，就唔畀奶奶講畀我哋知，一直瞞住我哋，但奶奶都開始有病症，瞞唔到好耐」。

港媽直言知道真相後「又嬲又無奈」，決定立即送物資及藥物上門予老爺奶奶應急，「好彩佢哋都係輕症，冇咩大問題，如果唔係我哋真係會好內疚」。

帖文引來網民熱論，紛紛讚樓主是「好新抱」，「好新抱一個，抵讚！」、「好新抱，妳奶奶有福氣」。亦有網民祝願樓主老爺奶奶早日康復，「老人家係高危嘅要小心」。

同場加映：媽媽過世2年未釋懷　老爺奶奶暗寸無娘家　台女：我還有爹，好嗎