阿爸染疫拒自我隔離 阿仔批食古不化 安排阿媽咁做即被網民鬧爆
本港爆發新冠肺炎第五波疫情，確診人數屢創新高，市民都更加注重防疫，若不幸染疫理應自我隔離，避免傳染給家人。有確診港男於討論區發文大呻，爸爸感染新冠肺炎後在家不單不自我隔離，連口罩也不戴好，「露個鼻出嚟」，勸也不聽。他批評爸爸「大男人」、「食古不化」，又說已安排媽媽去附近姐姐家中暫住，但此舉卻遭網民鬧爆，直斥有機會令姐姐一家染疫。
該名港男於香港討論區以「大男人老竇中咗招真係慘過食屎」為題發文表示，日前他初步確診新冠肺炎，但由於家裏沒有房間，只好一直留在床上自我隔離，但仍傳染到給爸爸。他指出，爸爸進行快速檢測呈陽性前多天已有咳嗽，但沒有戴口罩，直至快測陽性才戴，卻「露個鼻出嚟」，他勸說戴好口罩，爸爸卻指「冇嘢嘅」。
樓主續說，爸爸不自我隔離，反而坐在按摩椅上，邊看電視邊狂咳，「去廁所途中咳，回程咳，每30秒實咳一次，全程唔會捂嘴，唔會避忌，總知我行我素」。他心疼媽媽每天由早到晚不斷清潔家居，「做到死死吓」，媽媽想在按摩椅旁的沙發睡一下覺，叫爸爸去床上休息，爸爸「死都唔返，叫佢瞓就瞓，佢唔會返床嘅」。
他表示，爸爸經常說其他人外出不戴口罩，「隨地吐痰乞人憎」，但他認為爸爸也是同類人，「以為返到屋企係皇道，咩都唔做，返屋企唔會惹到屋企人嘅。講又唔聽，正一食古不化」。他又說，幸好有名姐姐在附近居住，因此他安排媽媽去該處暫住，「雖說老母會悶啲，但至少逃離咗個毒氣室先」。
有網民留言批評「同住一屋人根本已中晒獎，你仲叫你老母去害埋你家姐一家人」，有人指出「我反而覺得你阿媽好辛苦，一日不停做，做死都做唔完」、「對自己人又唔好咁，多啲勸下佢啦，啲老人家係咁㗎」。
同場加映：快速測試套裝使用方法！點分陽性、陰性、結果無效？
以檢測承辦商相達生物科技生產的「INDICAID」為例，進行快速測試時有4個步驟要留意，即睇超簡單快速檢測教學步驟▼▼▼
如何知道檢測結果是陽性還是陰性？
進行快速測試後，等候20分鐘就有結果，但緊記千萬不要超過25分鐘才讀取結果，否則結果無效。
即睇如何分辨「陽性」、「陰性」及「結果無效」▼▼▼
陰性：只在C區出現一條線
陽性：C區及T區都有一條線，即共兩條線
結果無效：如果C區無線，無論T區有沒有線，都是結果無效，須重新檢測
如快速測試結果呈陽性，應立即求醫；即使結果呈陰性，並非排除感染新冠病毒病可能，仍需繼續採取預防及控制措施。如結果無效，可用新測試套裝重新檢測一次，如有疑問，請求醫。