髮型屋關門無得剪頭髮　港男網上見工　遭HR高層指「不修邊幅」

在政府的防疫措施下，髮型屋須持續關閉至4月20日。有網民最近就發文訴苦，表示早前以視像形式見工時，本來非常順利，惟人事部職員的直屬上司最後問道「點解你啲頭髮咁長都唔執整齊先見工？係咪你平時份人都係咁不修邊幅？」，令他一時無言以對，並認為很大機會因此失去這份工作，慨嘆說「邊估到見工會因為咁樣衰咗」。

下載「香港01」App，即睇城中熱話

事主在香港討論區發文，表示近期一直在找工作，日前終於獲1份文職的面試機會，起初見工時一切順利，「傾傾下我覺得都有啲機會見得成工」，不料到了最後階段，人事部職員問直屬上司是否有其他問題，上司突然指，「點解你啲頭髮咁長都唔執整齊先見工？係咪你平時份人都係咁不修邊幅？」。

事主聽後非常無奈，當下更發呆不知該如何回答，他以為已經確保在面試前梳理整齊，「但我又趕唔切尾班車去剪頭髮」，因此看上去或有點凌亂，他亦只能回答上司說，「都唔係嘅，因為剪唔到頭髮所以感覺上先好似好亂咁」。事主續稱，其後對方再問2條問題便草草結束面試，擔心成功機會渺茫。

不少網民留言安慰樓主，指他的回答中規中矩，相信不會有大問題，「唔覺得答得有問題，係人都知髮型屋唔開啦」、「不一定，上司總會找些無聊問題問一下」，但也有人認為上司是在測試樓主是否懂得變通，「連剪髮也找不到門路，叻極有限」、「似在質疑遇到困難唔識解決，不知變通，沒有解決問題的能力」。

同場加映：打工仔偷偷請假見工　一句話即被老闆識穿　網民爆笑：真老實