HR斷言小心屯門90後　「社會上較次等嘅一群」

又來一句激嬲新界人？近日有網民在「CityU Secrets」留言，指其媽媽從事人事部多年，會特別避忌住在屯門的90後，直指他們是「社會上較次等嘅一群」，引起不少屯門人的憤怒。
《香港01》訪問屯門人張秀賢，笑言這類HR「應該炒晒佢」。他認為鄉村地方、物質要求低是好事，「草根啲嘅好處就係貼地好多」，又指新界西人真的是較堅毅的物種。

早前一篇網絡文章《新界西人絕對係一群堅毅既物種》，道出新界西人的五大絕望真相，文中指新界人永遠早出晚歸、日日夜夜鍛煉腳骨力、跟其他區活得像有時差等等，90後作者大嘆新界西人是一群堅毅的物種，「自己就係牛」，引起不少「新界牛」的共鳴。

【騎牛出城】新界西五大絕望真相　90後撰文者：偏愛天水圍的寧靜

近日一則帖文，亦惹來新界西人的憤怒，再次為家發聲。有人透過「CityU Secrets」指，其媽媽在人事部（HR）任職好多年，「閱過無數Profile」，指她不太介意求職者成績，認為每人相距不遠，反而有一類型的人，「全行都知道要小心」，那就是住在屯門的90後，更直指他們是社會上較次等的一群。

該名HR媽媽更力數屯門人的特徵：

與世隔絕
社會冷感
基層
鄉村中學
生活單調
眼界陜窄
物質要求低
求穩不上進

發帖者更表示，知道專頁的讀者並非僱主，但想提醒讀者認識新朋友時，要對屯門人保持距離。

屯門人留言大鬧該HR

此帖文引來屯門人激烈迴響，有逾千二人按「嬲嬲」表達憤怒，留言鬧爆該HR，又諷刺指「屯門好落後嘅，出入騎牛，住就住木屋，打親風都漏水」、「每間學校門口都停左（咗）好多牛，因為係老師同學生既（嘅）交通工具」。

有屯門人更逐點反駁該HR「指控」：

回應「與世隔絕」——屯門去邊都一定少過2個鐘（講緊交通工具，揸車所有地方一個鐘，何來與世隔絕）E.g. 巴士出mk 45 mins 以內，揸車20-25分鐘 巴士出中環 ~50-55 mins

回應「社會冷感」——屯門人好多都政治觸覺高，你睇下早前水貨事件，景峰圍標事件，urban planning 咨詢就知

回應「基層」——屯門青山公路大把私樓別墅貴過巿區，大把幾千呎既（嘅）單位，劉皇發間屋都喺屯門，每個地方都有基層，中產，有錢人，而屯門都應該大把人有錢過你

回應「鄉村中學」——屯門大把靚中學e.g. Hftc（中華基督教會何福堂書院）/高入u%既中學 e.g. lkk tyt （順德聯誼總會梁銶琚中學、保良局董玉娣中學）

回應「生活單調」——屯門係美食天堂

回應「眼界陜窄」——巿區人幾可入屯元天，但屯元天人就成日出巿區，論見識屯元天人一定唔會差過巿區人，隨時比你識更多野

回應「物質要求低」——應該冇乜連鎖名店/大舖頭係巿區有屯門冇

屯門人張秀賢：應該炒晒呢啲HR

自小在屯門長大、在同區念小學及中學的正宗屯門人張秀賢跟《香港01》直指這些「指控」很無厘頭，反映當事人很無知，「如果好多HR真係咁睇，應該炒晒呢啲HR囉。不過七百萬人入面應該冇一百人咁諗」。他承認屯門出外的確比較遠，「但依家互聯網時代，唔會唔同人接觸」，難以說「與世隔絕」。

「草根啲嘅好處就係貼地好多」

至於被指鄉村地方及對物質要求低，張秀賢反而覺得是好事，「草根啲嘅好處就係貼地好多，唔會離地」。況且近年不少貴族學校如哈羅香港國際學校、凱莉山進駐，他笑說：「可能人哋欣賞屯門夠偏夠僻。」他又言每區均有自己的故事，不必有這些「地區歧視」。

反而早前那篇《新界西人絕對係一群堅毅既物種》，張秀賢就認同屯門人腳骨力會較好，「等車搭車的確比較堅毅，因為真係好鬼遠，無論搭乜，點都要搭一個鐘先返到去。計地理位置，同台灣比，如果市中心係台北，我哋已經係住新北最偏，桃園嗰啲地方。」而對於僱主而言，這種堅毅特質應該更加吸引。

人事顧問：住得遠會驚佢未必做得長

坊間HR又會否真的有這些觀念？合眾人事顧問總經理蘇偉忠就指，未曾聽聞有如此的限制。不過他坦言，應徵者的住址會是公司考慮聘請的其中一個因素，「距離工作地點遠，會驚佢因為交通問題而未必做得長，但唔會因為佢住喺嗰區而覺得佢工作能力有問題」。

90後會否令僱主卻步？他就指聘請人才要視乎公司的要求，有些會認為年輕人穩定性不足，但亦有公司會認為年輕人學習能力較強，對於資訊科技會掌握得較快。而聘請求職者與否，還是視乎對方成績、工作經驗及見工時的表現。