髮型屋周四起停業 重開後須用疫苗通行證 網民：坐車上班更危險
疫情不斷惡化，消息指今日（8日）確診宗數達625宗，初步確診亦超過400宗。特首林鄭月娥下午表示，會將髮型及理髮屋加入599F規定表列處所，其他將會加到599F的包括宗教場所、商場、百貨公司，街市（或市集）及超級市場。其中髮型屋將於疫苗通行證推出後再重開，客人須完成接種疫苗，以疫苗通行證進入場所。有網民認為措施難以理解，因為髮型屋至今涉及的感染個案不多，而且剪頭髮時都會戴上口罩，停業影響太大。
第五波疫情期間，黃大仙鳳凰新村「新型像髮型屋」爆出Delta群組，但由於髮型屋未被列入《預防及控制疾病（規定及指示）（業務及處所）規例》（第599F章）的處所，因而髮型屋在疫情至今都未有大規模停業。消息指由於有髮型屋成為傳播途徑，新一輪的抗疫措施或會將髮型屋納入規管範圍，或須如其他處所一樣停業。
消息引起網民熱烈討論，不少人都認為措施對疫情幫助有限，「而家次次剪頭髮都唔使除口罩，都唔知封嚟做乜」、「唔通要自己剪？」、「健身室當你做運動會出汗要封都算，剪髮嗰陣戴晒口罩，封乜？」、「而家剪髮都唔畀除口罩，有咩危險？」。網民亦認為，現時有更多地方比髮型屋更加應該封鎖，「你一日唔停巴士地鐵呢類高危，停其他嘢都係多餘」、「Office長時間坐喺密封環境工作就唔使封？」、「戲院先最慘，大家入去坐底睇戲，嘢都唔會講多句安全過食飯搭車多多聲」。有人預言，如果髮型屋停業成果，「天橋底剪髮要復興了」。
不過亦有人認同剪頭髮屬高危活動，政府要求髮型屋停業決定正確，「其實出街剪頭髮真係好高風險！」。另外亦有人笑指，髮型屋理應暫停，「啲人無髮剪，個樣好衰就唔想出街，呢招Work呀，應該停2個月開始見效」。
同場加映：疫情下禁足居家隔離 找女友幫手剪頭髮 男友PO相警世：危險中伏 ▼ ▼ ▼
同場加映：疫情單日確診逾600宗！網民1人1個公司即時措施 呢種應對成主流 ▼ ▼ ▼
公司有「應對方法」的網民這樣說 ▼ ▼ ▼
公司沒有應急措施的網民這樣說 ▼ ▼ ▼