車頭貼「勿抄牌」揮春當護身符 網民嘲做多咗：見到呢張嘢即抄！
撰文：謝茜嘉
出版：更新：
每逢農曆新年，街上車輛違泊情況都特別嚴重，皆巿民一直相信「新正頭」警員會「隻眼開，隻眼閉」不抄牌的錯誤訊息。有網民近日於網上發文表示，於深水埗街頭發現有私家車車頭貼上「新春期間，請勿抄牌」揮春，希望警員手下留情，拍照者笑說「少年，你太年輕啦」，並指現實是應多加抄牌，「新春期間，請密抄牌」。不少網民亦直指車主「做多咗」，「本來唔抄！見到呢張嘢即抄」、「見到咁，抄完要入利市封先夠誠意」。
發現「勿抄牌揮春」的網民於fb群組「小心駕駛（討論別人同駕駛態度）」貼出照片，只見車主十分有誠意地於紅紙寫上「新春期間，請勿抄牌」，並將揮春貼在車頭，估計車主違例泊車，未有於咪錶繳付泊車費，故希望警員能放他一馬，而車頭未有夾着「牛肉乾（告票）」。
不過，不少網民認為車主「做多咗」，「本來想放生你，咁串教佢做嘢，罰抄多幾張幫你開年」、「1紅頂3白，起碼抄返3張啦」、「張告票放入利市封俾你」、「起碼夾封100蚊利市，冇啲誠意」、「放心，無抄，拖走咗only」、「新春期間，請勿違泊」。
有網民則留意到私家車所泊地方正下雨，整架車都滿佈雨水，擔心車主得不償失，「落雨之後張揮春會溶咗」、「落雨擺張紅紙出嚟，搣唔甩就好笑」。
貓貓頸掛字條坐路邊勸警察唔好抄牌 網民批唔好笑：擺拍的吧？車主寫感性文貼車頭避抄牌 詳列生活使費求放過好爆笑：生活逼人抄牌罰單字跡太美震撼網民 起底揭真身原來係台南靚仔警員台警抄牌字跡太潦草難以看懂 網友爆笑：這是符令更是鬼畫的！【武漢肺炎】響應在家隔離難入錶 車主留字條求情：警察不要抄牌
同事加映：新手上路│網民盤點學車學不到的9件事 點樣打燈大有學問
+9