【有片】大埔人航拍對比三十年來社區變遷

講起舊香港，不少人均會泛起懷念的感覺。有大埔居民以八十年代舊照片為範本，再以航拍機拍攝現時樣貌，片段短短36秒，已經有逾二千人讚好。有人大讚好靚，又指小時候的回憶「返晒嚟」。
拍攝者Ben Tsang向《香港01》稱對大埔有感情，所以希望能拍攝記錄，跟大埔人分享。

「心中感嘆似水流年，不可以留住昨天」梅艷芳的《似水流年》，配合今昔對比的片段，或會令你感嘆時間如水流逝。近日有「大埔友」找回區內著名地標的八十年代舊照，再到原址以航拍機拍攝現貌，一片對比兩個地點，原來，城市面貌逾30年後如此不同，當真是桃花依舊，人面全非。

36秒短片　花了一天拍攝

拍攝者Ben Tsang跟《香港01》講述拍攝的難處，「要搵番啲舊相，仲要實地搵番（原址），要幾乎同一個角度、同一個高度。都要放（航拍）機上去先會見到正確位置」，要夠細心、務求精準，對比效果才夠突出。因此短短36秒的片段，Ben都花了一天時間拍攝。

廣福道樓宇變得密密麻麻

片段中有兩個地點，分別是太和橋及廣福道，惟有網民提示，當中標示為大和橋的照片，或為廣福橋。至於廣福道，1980年的廣福道一帶，大部份樓房只有數層樓高，左邊樓宇的是六鄉樓，為了修建淡水湖工程而受拆遷影響的居民所建，後方正進行填海。30多年後，雖然廣福道一帶樓房還是層數較少，但四周已建成密密麻麻的住宅大廈。

因為香港城市面貌急速變化，所以Ben直言找出原本位置都有一定難度，「香港啲樓都變咗好多，所以我盡量靠山或者靠河去搵（原址），先再用大廈去搵。但係大廈好多都有機會唔同咗，所以用山係最穩陣。橋都ok嘅，但我發覺大埔啲橋都變咗好多。」

「對大埔有感情，想拍好嘢畀大埔人分享」

用航拍機記載大埔點滴，其實只是Ben這一兩個月來的想法，不過，因為熟悉這個地方，所以拍攝得心應手，「會知太陽喺邊一邊出嚟，邊個時間嗰個位置會最靚，同埋對大埔都有啲感情，所以都想拍番啲好嘅嘢畀大埔人分享」。

資料搜集時了解地方歷史

在找尋舊照的過程中，Ben也了解到這個地方的歷史，「發覺大埔啲橋由二次大戰開始、日本仔打到嚟嗰陣，啲橋都會拆完又起、起完又拆，由原本行人變行車，跟住又拆咗改成大橋，側邊又再起條行人嘅橋，係好多呢啲變化」。

居住大埔十多年，話長不長，話短不短，Ben就指對大埔有歸屬感，「美食又可能唔係特別多，風景又唔係一定特別靚，總之有個大埔情懷」。因此跟其他「大埔友」分享航拍片，可以跟街坊交流之餘，也有種滿足感。

片段上載一天，已經獲逾二千「大埔友」讚好，有人稱讚Ben「好有心機」，更稱呼他為大埔航拍一哥，亦有人指配樂為梅艷芳的《似水流年》，「一聽首歌即想喊」，更多人支持他繼續拍攝，「你份心思大埔友個個都like啦！」

將有完整版　拍攝十個地點

現時的短片只是一個「預告片」，Ben說他已經從「大埔老照片」等收集到十個地點的舊照，包括三門仔、大埔中心、元洲仔、吐露港等等，準備到各地點實地考察，並要視乎各地變化，看看能否拍出原相角度，「如果嗰個位起咗樓喺前面，咁就冇意思，會遮實晒，所以要去睇吓有冇嘢阻」。