第一城泊車留字條「肥基哥朋友」　下秒即被鎖車　網民：哥基就識

沙田第一城鎖車大隊「使命必達」，速度之快早已聞名全港，惟往往仍會有人越級挑戰。最近有網民在社交平台分享照片，看到有司機將私家車停泊於第一城寶城街附近，擋風玻璃放着1張字條，寫有「肥基哥朋友，請勿『所』車」，但私家車最終仍被人鎖上，讓一眾網民紛紛笑言「錯別字，所以照鎖」、「肥基哥出返嚟未？」。

下載「香港01」App ，即睇城中熱話

該名網民在facebook群組「車cam L（香港群組）」發文，照片中看到有司機在私家車車頭擋風玻璃放上字條，並寫着「肥基哥朋友，請勿『所』車」。不過，其餘照片中，私家車卻已經被牢牢鎖上，讓樓主不禁表示「邊個肥基哥？冇人識你喎」。

帖文一出即引來大批網民討論，不少人笑言司機「出口術」失敗，「基哥今鋪唔係着草就係減肥」、「『鎖』字都未識寫，抵俾人鎖」、「泊喺看更個office出面，唔鎖你都對唔住自己啦」、「我睇咗肥哥基」、「肥哥基就識」。

同場加映：沙田第一城再現極速鎖車　司機落車20秒即現身　網民：快似看F1！