屯門櫃員機留大疊「$1000紙幣」　網民一睇爆笑：去錯銀行入錢？

有「大頭蝦」在櫃員機提款後，未有取走現金時有發生，近日網上流傳一張照片，屯門1部櫃員機上被發現有一大疊金色的「現鈔」，驟眼看來以為是數十張千元紙幣，懷疑是有人忘記取走，不過眼利的網民一看得啖笑，指出那疊應該是「衣紙」，笑言「係咪去錯銀行入錢」。

Facebook專頁「屯門友」昨日（18日）發布1張照片，只見櫃員機頂部擺放了1疊金色的鈔票，並問道「邊個撳完機唔記得攞」，又標籤了「大吉利是」、「百無禁忌」。

帖文引來大量網民笑爆，有人認出是良景邨的櫃員機，指驟眼看真的以為是成疊千元紙幣，「係金牛，最弊唔係呢間銀行」，又稱「睇見真係大吉利市」、「唔怪得冇人拎」；不過有網民就指出金紙是拜神，銀紙才是祭鬼，「呢D叫壽金用來拜神」、「好嘢嚟㗎招財進寶呀」、「新年拜神多多都要」；有人笑言事主應該找不到「入錢機」，遂留在原處，亦有網民指「撳機多元化，多一樣選擇」、「撳新銀紙封利市？」。

同場加映：【奇葩製品】