翻查收據驚覺玩1隻Game已課金逾5萬　連登仔後悔：諗返真係好嘥錢

手機遊戲不少都會容許玩家課金，獲得更好的裝備或者能力。有網民在討論區上發文，指自己翻看過去某隻手遊的課金收據，發現總值竟然達到5至6萬元，「仲未計其他驚（Game）」，感嘆自己當時沒有自制能力，而且只是剛出來工作，「1年都儲唔到課金嗰筆錢」。不過網民們就認為，如果樓主課金時有開心過，其實都並非不值得。

連登討論區網民「我底褲好黃」發文分享課金經過，上載多張電郵收據截圖後稱「太多張圖所以唔放啦」。他說自己看到有人課金5萬元「都被班連登仔X到七彩」之後，就決定計算一下自己上一隻課金遊戲花了多少錢，「計下計下，撳到手軟，「都成5至6萬蚊（全部500幾、700幾起跳）」，而且未有計算其他遊戲。他在留言中提到自己課金程度誇張到「iTunes打嚟問我係咪被人盗用信用卡」，連同其他遊戲課金額可能達到8萬元。

他感嘆指「點解嗰陣可以咁無自制」，「嗰陣出嚟做嘢無耐，1年都儲唔到課金嗰筆錢」，又提到如果將錢全部投資在特斯拉股票「可以畀到首期」，當時股價只是70元。有網民提到，手遊比起之前的線上遊戲「真係課好多」，樓主同意指「以前玩跑Online都係幾十蚊個月已經可以玩到好勁，我課咗上面筆錢連頭100公會都入唔到」。遊戲帳戶最後已經賣出，「但唔值錢，300畀咗人」。

不過有不少網民安慰樓主，指如果課金時內心有開心過，能夠用錢買到快樂已經係好事，「好過喺股市唔知頭唔知路輸晒佢，生活唔係好拮据嘅話開心過都好」、「你課金嗰陣好開心喎，用錢買快樂已經係一件好事」、「唔係借錢課都唔係問題，你課嗰陣至少都享受過，而家只不過係你大個咗想諗住儲錢去玩第二啲嘢」。

（連登討論區）